ന്യൂദൽഹി: എക്‌സൈസ് നയവുമായി ബന്ധപ്പെട്ട കള്ളപ്പണം വെളുപ്പിക്കൽ കേസിൽ അറസ്റ്റിലായ മുഖ്യമന്ത്രി അരവിന്ദ് കെജ്‌രിവാൾ രാജിവയ്‌ക്കണമെന്ന് ആവശ്യപ്പെട്ട് ദൽഹി ബിജെപി നേതാക്കളും പ്രവർത്തകരും ചൊവ്വാഴ്ച പ്രതിഷേധ മാർച്ച് നടത്തി. ബിജെപി പ്രവർത്തകർ ഫിറോസ്‌ഷാ കോട്‌ല സ്റ്റേഡിയത്തിന് സമീപം ഒത്തുകൂടി.
തുടർന്ന് ദൽഹി സെക്രട്ടേറിയറ്റിലേക്ക് പ്രവർത്തകർ മാർച്ച് നടത്തി. കെജ്‌രിവാളിനും ആം ആദ്മി പാർട്ടിക്കും എതിരെ മുദ്രാവാക്യം ഉയർത്തുകയും ദൽഹി സർക്കാരിൽ അഴിമതി ആരോപിക്കുകയും ചെയ്തു.
കൂടാതെ കെജ്‌രിവാൾ അറസ്റ്റിലാണെന്നും അതിനാൽ ധാർമികതയുടെ പേരിൽ അദ്ദേഹം രാജിവെച്ച് മറ്റാരെയെങ്കിലും ഏൽപ്പിക്കണമെന്നും മുതിർന്ന ബിജെപി നേതാവും എംപിയുമായ ഹർഷ് വർധൻ പറഞ്ഞു.
പ്രതികരിക്കാൻ ഇവിടെ എഴുതുക: