ദല്‍ഹി: വനിതാ പ്രീമിയര്‍ ലീഗില്‍ നാളെ നടക്കുന്ന കലാശപ്പോരിലെത്താന്‍ നിലവിലെ ചാമ്പ്യന്‍മാരായ മുംബൈ ഇന്ത്യന്‍സിന് 136 റണ്‍സെടുക്കണം. ഇന്നലെ നടന്ന നിര്‍ണായകമായ പ്ലേ ഓഫ് മത്സരത്തില്‍ ആദ്യം ബാറ്റ് ചെയ്ത റോയല്‍ ചലഞ്ചേഴ്‌സ് ബാംഗ്ലൂര്‍ 20 ഓവറില്‍ നേടിയത് 135 റണ്‍സ് ആറ് വിക്കറ്റ് നഷ്ടത്തിലാണ് ടീം പൊരുതാവുന്ന സ്‌കോര്‍ കണ്ടെത്തിയത്.
50 പന്തുകള്‍ നേരിട്ട് എട്ട് ബൗണ്ടറികളും ഒരു സിക്‌സറും സഹിതം 66 റണ്‍സെടുത്ത എല്ലിസെ പെറി ആണ് ആര്‍സിബിക്കായി മികച്ച കളി പുറത്തെടുത്തത്. പാടെ തകര്‍ന്ന ആര്‍സിബി നിരയില്‍ താരത്തിന്റെ പ്രകടനം രക്ഷയായി. മറ്റ് ബാറ്റര്‍മാരില്‍ ആരും തന്നെ 20 റണ്‍സ് പോലും തികച്ചില്ല. വെയര്‍ഹാം 18 റണ്‍സെടുത്ത് പുറത്താകാതെ നിന്നു.
മുംബൈയ്‌ക്കുവേണ്ടി ഹെയ്‌ലി മാത്യൂസ്, നാറ്റ് സ്‌കൈവര്‍ ബ്രന്റ്, സായിക ഇസ്ഹാഖ് എന്നിവര്‍ രണ്ട് വിക്കറ്റ് വീതം നേടി.
നേരത്തെ ലീഗ് റൗണ്ട് പോയിന്റ് പട്ടികയില്‍ ഒന്നാമത് ഫിനിഷ് ചെയ്ത ദല്‍ഹി ക്യാപിറ്റല്‍സ് ഫൈനലിലേക്ക് നേരിട്ട് യോഗ്യത നേടിയിരുന്നു.
പ്രതികരിക്കാൻ ഇവിടെ എഴുതുക: