തിരുവനന്തപുരം: ജനം ടി.വിയുടെ ചീഫ് എഡിറ്ററായി മുതിര്‍ന്ന മാധ്യമ പ്രവര്‍ത്തകന്‍ പ്രദീപ് പിള്ള ചുമതലയേറ്റു. മലയാള മനോരമ, ഇന്ത്യന്‍ എക്‌സപ്രസ് എന്നീപത്രങ്ങളിലും ടൈംസ് നൗ ഇംഗ്ലീഷ് ചാനലുകളിലും പ്രവര്‍ത്തിച്ചിട്ടുള്ള പ്രദീപ് പിള്ള ന്യൂസ് 18 കേരളയുടെ തലവനായി പ്രവര്‍ത്തിക്കുകയായിരുന്നു.
തിരുവനന്തപുരം പ്രസ് ക്ളബ്ബിന്റെ മുന്‍ പ്രസിഡന്റാണ്.
ചാനല്‍ തലപ്പത്ത് വരുത്തുന്ന സമഗ്രമാറ്റത്തിന്റെ ഭാഗമാണ് നിയമനം. ചാനലിന്റെ മാനേജിംഗ് ഡയറക്ടറയായി ചെങ്കല്‍ എസ് രാജശേഖരന്‍ നായരേയും എക്‌സിക്യൂട്ടീവ് ചെയര്‍മാനായി നിര്‍മ്മാതാവ് ജി. സുരേഷ് കുമാറും ചുമതല ഏറ്റിരുന്നു. മുതിര്‍ന്ന മാധ്യമ പ്രവര്‍ത്തകന്‍ ജി.കെ സുരേഷ് ബാബുവിനെ മാനേജിംഗ് ഡയറക്ടറുടെ ഉപദേശകനായും നിയമിച്ചു.
പ്രതികരിക്കാൻ ഇവിടെ എഴുതുക: