തളിപ്പറമ്പ്: കേരളത്തിന്റെ പ്രിയഗായിക ചിത്ര കഴിഞ്ഞ ദിവസം പറശ്ശിനിക്കടവ് മുത്തപ്പന് മുന്നിൽ അനുഗ്രഹം തേടി എത്തി. തൊഴുകൈകളോടെ മുത്തപ്പന് മുന്‍പില്‍ നിന്ന് ഒരു ഗാനാര്‍ച്ചനയും നടത്തി.
എല്ലാം മറന്നുള്ള മുത്തപ്പന്റെ മുന്‍പിലുള്ള ചിത്രയുടെ ഗാനാലാപനം പരിസരത്തെ ആത്മീയസൗഖ്യത്തിലാഴ്‌ത്തി. കൂടി നിന്ന ഭക്തര്‍ മൗനപ്രാര്‍ത്ഥനയില്‍ അമര്‍ന്നു.
അയോധ്യയില്‍ പ്രാണപ്രതിഷ്ഠ നടക്കുമ്പോള്‍ ഏഴ് തിരിയിട്ട വിളക്ക് കത്തിച്ച് പ്രാര്‍ത്ഥിക്കണമെന്ന് പറഞ്ഞതിന് കേരളത്തില്‍ കമ്മ്യൂണിസ്റ്റുകളും ജിഹാദികളും അതിക്രൂരമായാണ് വാനമ്പാടിയെ വേട്ടയാടിയത്. പക്ഷെ മാപ്പ് പറയാന്‍ തയ്യാറാവാതെ തന്റെ സങ്കടങ്ങള്‍ മൗനപ്രാര്‍ത്ഥനയില്‍ ഒതുക്കുകയായിരുന്നു ചിത്ര.
മുത്തപ്പസന്നിധിയില്‍ തിരുവപ്പനയും വെള്ളാട്ടവും കണ്ട് മുത്തപ്പന്റെ അനുഗ്രഹവും വാങ്ങിയാണ് പ്രിയ ഗായിക മടങ്ങിയത്. തളിപ്പറമ്പ് ബക്കളത്തെ സുഹൃത്തിന്റെ മകളുടെ വിവാഹച്ചടങ്ങിലും ചിത്ര പങ്കെടുത്തിരുന്നു.
തൃച്ചംബരം ക്ഷേത്രത്തിലും ദർശനം നടത്തിയിരുന്നു. ഞായറാഴ്ച രാത്രി രാജരാജേശ്വര ക്ഷേത്രത്തിലും ദർശനം നടത്തിയിരുന്നു. ചിത്തിര നക്ഷത്രത്തിൽ സ്വർണ്ണക്കുടം വെച്ച് തൊഴുത ശേഷം അരമണിക്കൂറോളം ക്ഷേത്രത്തിൽ ചിലവഴിച്ച ശേഷമാണ് ചിത്ര മടങ്ങിയത്.
പ്രതികരിക്കാൻ ഇവിടെ എഴുതുക: