വിജയ നഗരം : രഞ്ജി ട്രോഫിയില്‍ ആന്ധ്രാപ്രദേശിനെതിരെ കേരളത്തിന് ആദ്യ ഇന്നിംഗ്‌സില്‍ കൂറ്റന്‍ സ്‌കോര്‍. സച്ചിന്‍ ബേബിയുടെയും അക്ഷയ് ചന്ദ്രന്റെയും ശതകങ്ങളുടെ മികവില്‍ കേരളം ഏഴ് വിക്കറ്റ് നഷ്ടത്തില്‍ 514 റണ്‍സിന് ഡിക്ലയര്‍ ചെയ്തു.
കേരളം ആദ്യ ഇന്നിംഗ്‌സില്‍ 242 റണ്‍സിന്റെ ലീഡ് ആണ് നേടിയത്. രണ്ടാം ഇന്നിംഗ്‌സ് ബാറ്റിംഗ് തുടങ്ങിയ ആന്ധ്രപ്രദേശ് മൂന്നാം ദിനം കളി നിര്‍ത്തുമ്പോള്‍ ഒരു വിക്കറ്റ് നഷ്ടത്തില്‍ 19 റണ്‍സ് എന്ന നിലയിലാണ്.
184 റണ്‍സുമായി അക്ഷയ് ചന്ദ്രന്‍ കേരളത്തിന്റെ ടോപ് സ്‌കോറര്‍ ആയി. ഈ രഞ്ജി സീസണില്‍ അക്ഷയ് ചന്ദ്രന്റെ രണ്ടാം സെഞ്ച്വറിയാണിത്.
സച്ചിന്‍ ബേബി 113 റണ്‍സ് എടുത്തു.കേരളത്തിനായി നേരത്തെ രോഹന്‍ എസ് കുന്നുമ്മല്‍ 61 റണ്‍സും കൃഷ്ണ പ്രസാദ് 43 റണ്‍സും നേടി.സല്‍മാന്‍ നിസാര്‍ 58 റണ്‍സും മുഹമ്മദ് അസറുദ്ദീന്‍40 റണ്‍സുമെടുത്തു.
പ്രതികരിക്കാൻ ഇവിടെ എഴുതുക: