നോര്‍ത്ത് കരോലിന്‍: മലയാളി അസോസിയേഷന്‍ ഓഫ് നോര്‍ത്ത് അമേരിക്കന്‍ ഹിന്ദുസ് (മന്ത്ര) ഗ്ലോബല്‍ കണ്‍വെന്‍ഷന്‍ ചെയര്‍ ആയി വിനോദ് ശ്രീകുമാറിനെ തിരഞ്ഞെടുത്തതായി പ്രസിഡന്റ് ശ്യാം ശങ്കര്‍ അറിയിച്ചു .നോര്‍ത്ത് കരോലീനയിലെ ഷാര്‍ലറ്റില്‍ കൈരളി സത് സംഗു മായി ചേര്‍ന്ന് 2025 ല്‍ നടക്കുന്ന കണ്‍വെന്‍ഷന്‍ വിജയകരമായി നടത്തുവാന്‍ വേണ്ട ഒരുക്കങ്ങള്‍ ആരംഭിച്ചുവെന്നും മലയാളി സമൂഹത്തിന്റെ ആഭിമുഖ്യത്തില്‍ കരോലീന സംസ്ഥാനത്തു നടക്കുന്ന ഏറ്റവും മികച്ച കണ്‍വെന്‍ഷന്‍ ആകും വരാനിരിക്കുന്നത് എന്നും, അദ്ദേഹം അറിയിച്ചു .ഷാര്‍ലറ്റിലെ മലയാളി കുടുംബങ്ങള്‍ ഭൂരി ഭാഗവും യുവത്വത്തെ പ്രതിനിധികരിക്കുന്നു. അത് കൊണ്ട് തന്നെ യുവ ചൈതന്യം നിറഞ്ഞു നില്‍ക്കുന്ന കണ്‍വെന്‍ഷന്‍ ആകും 2025 സാക്ഷ്യം വഹിക്കുക എന്ന് ശ്യാം ശങ്കര്‍ അഭിപ്രായപ്പെട്ടു.
നോര്‍ത്ത് കരോലിനയിലെ ഷാര്‍ലറ്റില്‍ ഐടി എഞ്ചിനീയര്‍ ആയ വിനോദ് ഷാര്‍ലറ്റിലെ മലയാളി സമൂഹത്തില്‍ വര്‍ഷങ്ങള്‍ ആയി കര്‍മ നിരതന്‍ ആണ് . 2023 ഷാര്‍ലറ്റ് മലയാളി അസോസിയേഷന്‍ പ്രസിഡന്റ് ആയി പ്രവര്‍ത്തിച്ചിരുന്നു. ഇപ്പോള്‍ അസോസിയേഷന്‍ അഡ്വൈസറി ബോര്‍ഡ് അംഗം. കൊല്ലം സ്വദേശി ആയ വിനോദിന്റെ മാവേലിക്കര സ്വദേശിനിയായ പത്‌നി വിദ്യ ഹരിയും ഐ ടി രംഗത്ത് പ്രവര്‍ത്തിക്കുന്നു.ഏക മകള്‍ ജാന്‍കി വിനോദ് ഹൈ സ്‌കൂള്‍ വിദ്യാര്‍ത്ഥിനി.
പ്രതികരിക്കാൻ ഇവിടെ എഴുതുക: