മിഡില്‍സ്ബറോ: കരബാവോ കപ്പ് സെമിയുടെ ആദ്യപാദ മത്സരത്തില്‍ ചെല്‍സിയെ മിഡില്‍സ്ബറോ അട്ടിമറിച്ചു. മത്സരത്തിന്റെ 37-ാം മിനിറ്റില്‍ നേടിയ ഏക ഗോളിലാണ് ടീം കരുത്തരായ ചെല്‍സിയെ പരാജയപ്പെടുത്തിയത്.
സ്വന്തം തട്ടകമായ റിവര്‍സൈഡ് സ്റ്റേഡിയത്തില്‍ പൊരുതാനിറങ്ങിയ മിഡില്‍സ്ബറോ ഹെയ്‌ഡെന്‍ ഹക്ക്‌നി നേടിയ ഏകപക്ഷീയമായ ഒരു ഗോളിലാണ് ആദ്യ പാദ സെമി വിജയിച്ചത്. അടുത്ത 24നാണ് ചെല്‍സിയുടെ ഹോം ഗ്രൗണ്ടില്‍ രണ്ടാം പാദ സെമി.
താരതമ്യേന ദുര്‍ബലരായ മിഡില്‍സ്ബറോ കൂടി തോല്‍പ്പിച്ചതോടെ ചെല്‍സി സീസണില്‍ കടുത്ത പ്രതിസന്ധിയിലായിരിക്കുകയാണ്.
പ്രതികരിക്കാൻ ഇവിടെ എഴുതുക: