തിരുവനന്തപുരം: പ്രധാനമന്ത്രി നരേന്ദ്രമോദി പുതുവത്സരത്തിലെ രണ്ടാം സന്ദര്‍ശനത്തിന് കേരളത്തില്‍ 16,17 തിയ്യതികളില്‍ എത്തുമെന്ന് കെ.സുരേന്ദ്രന്‍ അറിയിച്ചു. 16ന് വൈകുന്നേരം ആറു മണിക്ക് കൊച്ചിയിലെത്തുന്ന അദ്ദേഹത്തിന് ബിജെപി പ്രവര്‍ത്തര്‍ ഉജ്ജ്വല സ്വീകരണം നല്‍കും.
തുടര്‍ന്ന് അദ്ദേഹത്തിന്റെ റോഡ്‌ഷോയുണ്ടാക്കും. 17ന് രാവിലെ ഗുരുവായൂര്‍ എത്തുന്ന നരേന്ദ്രമോദി സുരേഷ്‌ഗോപിയുടെ മകളുടെ വിവാഹത്തിലും സമൂഹവിവാഹത്തിലും പങ്കെടുക്കും. തുടര്‍ന്ന് കൊച്ചിയില്‍ പാര്‍ട്ടിയുടെ ശക്തികേന്ദ്ര ഇന്‍ ചാര്‍ജുമാരുടെ മീറ്റിംഗിലും പ്രധാനമന്ത്രി പങ്കെടുക്കും.
കേരളത്തിന്റെ വികസനത്തിന് ആവശ്യമായ മോദിയുടെ ഉറപ്പ് കൂടുതല്‍ ശക്തമാക്കുകയാണ് സന്ദര്‍ശനത്തിന്റെ ലക്ഷ്യം. കേരളം ഒന്നടങ്കം പ്രധാനമന്ത്രിക്ക് വലിയ സ്വീകരണമൊരുക്കും. കേരളത്തിലെ ജനങ്ങളോടുള്ള കരുതലും താത്പര്യവുമാണ് മോദിക്ക് പ്രധാനം. മോദിയുടെ ഗ്യാരണ്ടിയാവും ഇനി കേരളം ചര്‍ച്ച ചെയ്യുകയെന്നും സുരേന്ദ്രന്‍ പറഞ്ഞു.
പ്രതികരിക്കാൻ ഇവിടെ എഴുതുക: