പുതുവര്ഷത്തിലേക്ക് കടക്കുമ്പോള് ഭാരത കായിക രംഗത്തിന് ആവേശം പകര്ന്ന 2023ലെ വമ്പന് നേട്ടങ്ങള് ഒട്ടും നിസ്സാരമല്ല. ചരിത്രത്തില് ആദ്യമായി ലോക അത്ലറ്റിക്സ് ചാമ്പ്യന്ഷിപ്പില് ഭാരതത്തിനായി സ്വര്ണം നേടാന് സാധിച്ചതാണ് അതിലൊന്ന്. 2021 ടോക്കിയോ ഒളിംപിക്സില് ചരിത്ര സ്വര്ണം ജാവലിന് ത്രോയിലൂടെ നേടിയ നീരജ് ഇക്കഴിഞ്ഞ കൊല്ലം ആഗസ്തില് ബുഡാപെസ്റ്റില് ജാവലിനിലൂടെ വീണ്ടം ഭാരതത്തിനൊരു ചരിത്ര മെഡല് സമ്മാനിച്ചു. ലോക കായിക വേദിയില് ജാവലിന് 88.17 മീറ്റര് ദൂരത്തില് എറിഞ്ഞായിരുന്നു നീരജിന്റെ നേട്ടം.
ഭാരതം കായിക മേഖലയില് കൈവരിച്ചിരിക്കുന്ന പുരോഗതി പ്രകടമാക്കിയാണ് ഹാങ്ചൊ ഏഷ്യന് ഗെയിംസ് കടന്നുപോയത്. അതില് ഹോക്കി സ്വര്ണം തിരിച്ചുപടിച്ച് പഴയ വീര്യം വീണ്ടെടുത്തതിന്റെ ആവേശം പകര്ന്നുനല്കി.
വര്ഷം അവസാനത്തോടടുക്കുമ്പോളാണ് മലയാളി താരം സഞ്ജു കേരളത്തിന്റെ അഭിമാനമായി ആദ്യ ഏകദിന സെഞ്ചുറി നേടിയെടുത്തത്. കരുത്തരായ ദക്ഷിണാഫ്രിക്കയ്ക്കെതിരെ അവരുടെ നാട്ടിലായിരുന്നു സഞ്ജുവിന്റെ മിന്നും സെഞ്ചുറി.
പ്രതികരിക്കാൻ ഇവിടെ എഴുതുക: