കൊച്ചി: കേരള ബ്ലാസ്റ്റേഴ്സ് പ്രധാന താരം അഡ്രിയാന്‍ ലൂണ ശസ്ത്രക്രിയയ്ക്ക് വിധേയനായെന്ന് കേരള ബ്ലാസ്റ്റേഴ്സ് എഫ്‌സി. കാല്‍മുട്ടിനേറ്റ പരിക്കിനെ തുടര്‍ന്നാണ് ലൂണയ്‌ക്ക് ശസ്ത്രക്രിയ വേണ്ടിന്നത്. ഇത് വിജയകരമായി പൂര്‍ത്തിയാക്കിയ താരം സുഖംപ്രാപിച്ചുവരുന്നുവെന്ന് മാത്രമാണ് ബ്ലാസ്റ്റേഴ്സ് പുറത്തിറക്കിയ ലഘു വാര്‍ത്താ കുറിപ്പില്‍ വ്യക്തമാക്കിയത്. താരത്തിന്റെ പരിക്കിനെ പറ്റി ക്ലബ്ബ് ഔദ്യോഗികമായി നടത്തിയ ആദ്യ പ്രതികരണം കൂടിയായിരുന്നു.
ചികിത്സയില്‍ കഴിയുന്ന താരം ബ്ലാസ്റ്റേഴ്സിന്റെ മെഡിക്കല്‍ സംഘം നിര്‍ദേശിക്കുന്ന പ്രകാരം ഫിറ്റ്‌നസ് വീണ്ടെടുത്ത ശേഷം മത്സരങ്ങളിലേക്ക് തിരിച്ചെത്തുമെന്ന് ക്ലബ്ബ് അധികൃതര്‍ അറിയിച്ചു. എല്ലാ കേരള ബ്ലാസ്റ്റേഴ്സ് കുടുംബാംഗങ്ങളും താരം അതിവേഗം സുഖം പ്രാപിച്ച് കളിക്കളത്തിലേക്ക് തിരികെയെത്താന്‍ ആശംസിക്കുന്നുവെന്ന് അറിയിച്ചാണ് ക്ലബിന്റെ ഔദ്യോഗിക വാര്‍ത്താ കുറിപ്പ് അവസാനിപ്പിക്കുന്നത്.
പ്രതികരിക്കാൻ ഇവിടെ എഴുതുക: