തിരുവനന്തപുരം: ഗവര്‍ണര്‍ ആരിഫ് മുഹമ്മദ് ഖാനെ കരിങ്കൊടി കാട്ടി പ്രതിഷേധിച്ച 19 എസ്എഫ്‌ഐ പ്രവര്‍ത്തകരെ പൊലീസ് കസ്റ്റഡിയിലെടുത്തു. വൈകിട്ട് രാജ്ഭവനില്‍ നിന്ന് വിമാനത്താവളത്തിലേക്ക് പോയ ഗവര്‍ണര്‍ക്കെതിരെ മൂന്ന് സ്ഥലത്താണ് കരിങ്കൊടി വീശി പ്രതിഷേധിച്ചത്
പാളയത്ത് ഗവര്‍ണറുടെ വാഹനത്തില്‍ കമ്പ് കൊണ്ട് അടിച്ചടക്കം പ്രതിഷേധിച്ച ഏഴ് പേരെയും തിരുവനന്തപുരം ജനറല്‍ ആശുപത്രിക്ക് സമീപത്ത് പ്രതിഷേധിച്ച ഏഴ് പേരെയും പേട്ട പളളിമുക്കില്‍ പ്രതിഷേധിച്ച അഞ്ച് പേരെയുമാണ് കസ്റ്റഡിയിലെടുത്തത്. ഇതില്‍ ഏഴ് പേരുടെ അറസ്റ്റ് രേഖപ്പെടുത്തി.
സര്‍വകലാശാല സെനറ്റിലേക്ക് ബിജെപി ബന്ധമുള്ളവരെ തിരുകിക്കയറ്റിയെന്നാരോപിച്ചാണ് എസ് എഫ് ഐ പ്രവര്‍ത്തകരുടെ പ്രതിഷേധം. എന്നാല്‍ തന്നെ കായികമായി നേരിടാനുളള ഗൂഢാലോചനയെന്നാണ് ഗവര്‍ണര്‍ ആരിഫ് മുഹമ്മദ് ഖാന്‍ പറഞ്ഞു. ഇതിന് പിന്നില്‍ മുഖ്യമന്ത്രി പിണറായി വിജയനാണെന്നും അദ്ദേഹം ആരോപിച്ചു. പള്ളിമുക്കില്‍ എസ്എഫ്‌ഐ പ്രവര്‍ത്തകരുടെ പ്രതിഷേധത്തില്‍ രോഷാകുലനായി ഗവര്‍ണര്‍ ആരിഫ് ഖാന്‍, കാറില്‍ നിന്ന് പുറത്തിറങ്ങി പൊലീസുകാരോട് കയര്‍ക്കുകയും ചെയ്തു. പൊലീസ് പ്രതിഷേധക്കാര്‍ക്ക് ഒത്താശ ചെയ്‌തെന്നാണ് ഗവര്‍ണര്‍ കുറ്റപ്പെടുത്തിയത്.
പ്രതികരിക്കാൻ ഇവിടെ എഴുതുക: