ന്യൂദല്‍ഹി: കാലാവസ്ഥ ഉച്ചകോടിയില്‍ പങ്കെടുക്കാന്‍ പ്രധാനമന്ത്രി നരേന്ദ്ര മോദി നാളെ യുഎഇയില്‍ എത്തും.
രണ്ട് ദിവസത്തെ സന്ദര്‍ശന ശേഷം വെള്ളിയാഴ്ച വൈകിട്ട് മടങ്ങിയെത്തും. യുഎഇ പ്രസിഡന്റ് ഷെയ്ഖ് മുഹമ്മദ് ബിന്‍ സായിദ് അല്‍ നഹ്യാന്റെ ക്ഷണം സ്വീകരിച്ചാണ് ഉച്ചകോടിയില്‍ പങ്കെടുക്കാന്‍ നരേന്ദ്രമോദി യുഎഇയിലെത്തുന്നത്. ഇസ്രായേല്‍-ഹമാസ് സംഘര്‍ഷത്തില്‍ മോദി അറബ് നേതാക്കളുമായി ചര്‍ച്ച നടത്തുമെന്നും റിപ്പോര്‍ട്ടുകളുണ്ട്.
എട്ട് വര്‍ഷത്തിനിടെയുള്ള പ്രധാനമന്ത്രി നരേന്ദ്രമോദിയുടെ ആറാമത്തെ യുഎഇ സന്ദര്‍ശനമാണിത്. കഴിഞ്ഞ ജൂലൈയിലായിരുന്നു പ്രധാനമന്ത്രി ഔദ്യോഗിക സന്ദര്‍ശനത്തിനായി ഒടുവില്‍ യുഎഇയിലെത്തിയത്.
പ്രതികരിക്കാൻ ഇവിടെ എഴുതുക: