കൊല്ലം: ഓയൂരില്‍ കാണാതായ ആറ് വയസുകാരി അഭിഗേല്‍ സാറ റെജിക്കായി സംസ്ഥാനം മുഴുവന്‍ പരിശോധന നടത്താന്‍ നിര്‍ദേശം നല്‍കിയിട്ടുണ്ടെന്ന് മന്ത്രി ജെ. ചിഞ്ചുറാണി. മുഖ്യമന്ത്രിയുടെ ഓഫീസും സംഭവത്തില്‍ ഇടപെട്ടിട്ടുണ്ട്. അന്വേഷണം ദ്രുതഗതിയില്‍ നടക്കുകയാണ്. കുട്ടിയെ ഉടന്‍ തന്നെ കണ്ടെത്താന്‍ കഴിയുമെന്നാണ് കരുതുന്നതെന്നും മന്ത്രി പറഞ്ഞു.
അതേസമയം പൊലീസിന് നിര്‍ണായക വിവരം ലഭിച്ചെന്നാണ് സൂചന. കൂടുതല്‍ വിവരങ്ങള്‍ പുറത്തുവിടാന്‍ പൊലീസ് തയാറായിട്ടില്ല.
മോചന ദ്രവ്യം ആവശ്യപ്പെട്ടുളള ഫോണ്‍ സന്ദേശം വന്നത് പാരിപ്പളളിയില്‍ നിന്നാണെന്നാണ് കണ്ടെത്തിയിട്ടുളളത്. ഈ സാഹചര്യത്തില്‍ തട്ടിക്കൊണ്ടു പോയവര്‍ കൊല്ലം ജില്ല വിട്ടിട്ടില്ലെന്നാണ് കരുതുന്നത്. പാരിപ്പളളിയിലും പരിസരത്തും പൊലീസ് ചില വീടുകളിലും പരിശോധന നടത്തുന്നുണ്ട്. സംസ്ഥാനത്ത് വിവിധയിടങ്ങളില്‍ പൊലീസ് വാഹനങ്ങള്‍ തടഞ്ഞ് പരിശോധന നടത്തുകയാണ്.
ഓയൂര്‍ സ്വദേശി റജിയുടെ മകളാണ് അഭികേല്‍ സാറ. റെജി മുത്തൂറ്റ് ആശുപത്രിയിലും ഭാര്യ കൊല്ലത്തെ കിംസിലുമാണ് ജോലി ചെയ്യുന്നത്.
തങ്ങള്‍ക്ക് ആരും ശത്രുക്കളില്ലെന്നാണ് കുട്ടിയുടെ മാതാപിതാക്കള്‍ അറിയിച്ചത്.
പ്രതികരിക്കാൻ ഇവിടെ എഴുതുക: