ബ്ലാസ്‌റ്റേഴ്‌സ് ഇന്ന് കളത്തിലിറങ്ങും; ആകർഷകമായ ഓഫറുകളുമായി കൊച്ചി മെട്രോ

തിരുവനന്തപുരം: ഐഎസ്എലിൽ ഇന്ന് കേരളാ ബ്ലാസ്റ്റേഴ്‌സ് ഹൈദരാബാദ് എഫ്‌സി പോരാട്ടം. ഇന്ന് രാത്രി എട്ടിന് കൊച്ചി കലൂർ രാജ്യാന്തര സ്‌റ്റേഡിയത്തിലാണ് മത്സരം. സസ്‌പെൻഷനിലായിരുന്ന പ്രബീർ ദാസും മിലോസും തിരിച്ചെത്തും. ജവർഹലാൽ നെഹ്‌റു സ്‌റ്റേഡിയത്തിൽ ഐഎസ്എൽ മത്സരം നടക്കുന്നതിനാൽ ഇന്ന് അധിക സർവീസ് സജ്ജമാക്കിയിരിക്കുകയാണ് കൊച്ചി മെട്രോ.

രാത്രി 10 മണിക്ക് ശേഷമുള്ള ടിക്കറ്റുകൾക്ക് 50 ശതമാനം ഇളവാണ് മെട്രോ പ്രഖ്യാപിച്ചിരിക്കുന്നത്. ജവഹർലാൽ നെഹ്‌റു സ്റ്റേഡിയത്തിൽ നിന്ന് ആലുവയിലേക്കും എസ്എൻ ജംഗ്ഷനിലേക്കുമുള്ള അവസാന ട്രെയിൻ സർവീസ് രാത്രി 11.30-നാണ്.

മത്സരം കാണുന്നതിനായി സ്റ്റേഡിയത്തിൽ എത്തുന്ന വേളയിൽ തന്നെ മടക്കയാത്രക്കുള്ള ടിക്കറ്റും ആരാധകർക്ക് സ്വന്തമാക്കാം. ടിക്കറ്റ് വാങ്ങുന്നതിനുള്ള തിരക്ക് ഇതിലൂടെ തന്നെ കുറയ്‌ക്കാൻ സാധിക്കും.