ഗ്വാളിയോര്‍: കോണ്‍ഗ്രസ് നേതാവ് രാഹുലിന്റെ സ്‌നേഹത്തിന്റെ കട പ്രയോഗത്തെ വിമര്‍ശിച്ച് ബിജെപി നേതാവും കേന്ദ്രമന്ത്രിയുമായ ജ്യോതിരാദിത്യ സിന്ധ്യ. കോണ്‍ഗ്രസ് സ്‌നേഹത്തിന്റെ കട തുറന്നു എന്നാണ് രാഹുല്‍ പറയുന്നത്. സ്‌നേഹത്തിന്റെ കട എന്നു പേരു മാത്രമേയുള്ളൂ, അവിടെ വില്‍ക്കാന്‍ വച്ചിരിക്കുന്നതു മുഴുവന്‍ വെറുപ്പിന്റെ ഉത്പന്നങ്ങളാണ്.
ഏറെ പിന്നിലായിരുന്ന മധ്യപ്രദേശിനെ മികച്ച സംസ്ഥാനമാക്കി മാറ്റിയത് ബിജെപി ഭരണമാണെന്ന് സിന്ധ്യ പറഞ്ഞു. മധ്യപ്രദേശിലെ കോണ്‍ഗ്രസ് സര്‍ക്കാരുകളൊക്കെ ലക്ഷ്യബോധമില്ലാതെയാണ് പ്രവര്‍ത്തിച്ചിരുന്നത്. കേന്ദ്രത്തിലും സംസ്ഥാനത്തും ബിജെപി സര്‍ക്കാരുകള്‍ അധികാരത്തില്‍ വന്നപ്പോള്‍ ഡബിള്‍ എന്‍ജിന്‍ മാതൃകയാല്‍ വലിയ വികസനമാണുണ്ടായത്. ഈ തെരഞ്ഞെടുപ്പ് മധ്യപ്രദേശിന്റെ ഭാവിയെ സംബന്ധിച്ച് ഏറെ നിര്‍ണായകമാണ്. താമര വിരിയും, സംസ്ഥാനം വികസനത്തിന്റെ വഴിയിലൂടെ മുന്നോട്ടു നീങ്ങും, ഗ്വാളിയോറില്‍ തെരഞ്ഞെടുപ്പുറാലിയെ അഭിസംബോധന ചെയ്യവെ സിന്ധ്യ പറഞ്ഞു. അമ്പത്തഞ്ചു വര്‍ഷം കോണ്‍ഗ്രസ് ഭരണത്തിനു ചെയ്യാന്‍ കഴിയാഞ്ഞത് ബിജെപി ഭരണത്തിലൂടെ മധ്യപ്രദേശിനു ലഭിച്ചെന്ന് കേന്ദ്രമന്ത്രി പറഞ്ഞു.
വായ്പകള്‍ എഴുതിത്തള്ളുന്നു എന്ന പേരില്‍ 26 ലക്ഷം വ്യാജ സര്‍ട്ടിഫിക്കറ്റുകളാണ് കര്‍ഷകര്‍ക്ക് കോണ്‍ഗ്രസ് സര്‍ക്കാരുകള്‍ നല്‍കിയതെന്ന് സിന്ധ്യ വെളിപ്പെടുത്തി. കോണ്‍ഗ്രസിന്റെ നുണകള്‍ ജനങ്ങളോടു പറഞ്ഞാണ് താന്‍ ആ പാര്‍ട്ടി വിട്ടതെന്നും സിന്ധ്യ കൂട്ടിച്ചേര്‍ത്തു.
പ്രതികരിക്കാൻ ഇവിടെ എഴുതുക: