വയനാട്: സുൽത്താൻബത്തേരിയിൽ എംഡിഎംഎ വില്‍പന നടത്തുന്ന യുവാവിനെ അറസ്റ്റ് ചെയ്തു. വാഹനപരിശോധയ്‌ക്കെത്തിയ പട്രോളിംഗ് സംഘമാണ് എംഡിഎംഎ കണ്ടെടുത്തത്.
കോഴിക്കോട് മാങ്ങാട് സ്വദേശി കൂർക്കംപറമ്പത്ത് വീട്ടിൽ കെപി മുഹമ്മദ് നാഫിയെയാണ് 40 ഗ്രാം എംഡിഎംഎ അടക്കം പിടികൂടിയത്. പരിശുദ്ധിയാണ് എംഡിഎംഎയുടെ വില നിശ്ചയിക്കുന്നതെങ്കിലും ഇതിന് മൂന്ന് ലക്ഷത്തോളം വില വരും.
മുത്തങ്ങ ചെക് പോസ്റ്റില്‍ വാഹനപരിശോധന നടത്തുകയായിരുന്നു പട്രോളിംഗ് സംഘം. ഇതിനിടയിലാണ് മുഹമ്മദ് നാഫിയുടെ വാഹനം പരിശോധിച്ചത്. 40 ഗ്രാം എംഡിഎംഎയാണ് പ്രതിയുടെ വാഹനത്തില്‍ നിന്നും കണ്ടെടുത്തത്. എസ്‌ഐ സി എം സാബു, സീനിയർ സിവിൽ പൊലീസ് ഓഫീസർ മധുസൂദനൻ, സിവിൽ പൊലീസ് ഓഫീസർമാരായ സുബീഷ്, സീത എന്നിവരുടെ നേതൃത്വത്തിലുള്ള സംഘമാണ് മുഹമ്മദ് നാഫിയെ പിടികൂടിയത്.
സംശയാസ്പദമായ മുഹമ്മദ് നാഫിയുടെ പെരുമാറ്റമാണ് പൊലീസിന്റെ സംശയം ഇരട്ടിപ്പിച്ചത്. തുടർന്ന് ചോദ്യം ചെയ്യുകയായിരുന്നു. ബത്തേരി സ്‌റ്റേഷനിൽ എത്തിച്ച പ്രതിയ്‌ക്കെതിരെ വിവിധ വകുപ്പുകള്‍ ചുമത്തി കേസെടുത്തു.
പ്രതികരിക്കാൻ ഇവിടെ എഴുതുക: