കൊച്ചിയിൽ മഴ കനക്കുന്നു; ഇടപ്പള്ളിയിൽ വെള്ളക്കെട്ട്; വലഞ്ഞ് യാത്രക്കാർ

എറണാകുളം: കൊച്ചിയിൽ ശക്തമായ മഴ തുടർന്ന് ഇടപ്പള്ളിയിൽ വിവിധയിടങ്ങളിലായി വെള്ളക്കെട്ട് രൂപപ്പെട്ടു. ഇന്ന് പുലർച്ചെ മുതൽ കൊച്ചിയുടെ വിവിധ ഭാഗങ്ങളിൽ കനത്ത മഴയാണ് അനുഭവപ്പെടുന്നത്. റോഡിൽ വൻ തോതിൽ വെള്ളക്കെട്ട് രൂപപ്പെട്ടതിനെ തുടർന്ന് കാൽ നട യാത്രികർ പ്രതിസന്ധിയിലായി. സംസ്ഥാനത്ത് വിവിധ ഭാഗങ്ങളിൽ മഴ കനക്കുകയാണ്.

സംസ്ഥാനത്ത് വിവിധയിടങ്ങളിൽ മഴ കനക്കുകയാണ്. പാലക്കാട് പാലക്കയത്തിൽ മഴ കുറഞ്ഞത് ആശ്വാസമായി. പ്രദേശത്ത് ഇന്നലെ രൂപപ്പെട്ട വെള്ളക്കെട്ട് കുറഞ്ഞു. ഇന്നലെ ശക്തമായ മഴയെ തുടർന്ന് ഇവിടെ ഉരുൾപൊട്ടിയിരുന്നു. വീടുകളിലും കടകളിലും വെള്ളം കയറിയെങ്കിലും ആളപായമില്ല. കാഞ്ഞിരപ്പുഴ ഡാമിലെ ജലനിരപ്പ് ഇനിയും കുറഞ്ഞിട്ടില്ല. മൂന്ന് ഷട്ടറുകൾ 80 സെന്റിമീറ്റർ വീതം ഉയർത്തിയിട്ടുണ്ട്. സാധാരണ നിലയിൽ ഷട്ടറുകൾ ഇത്രയും അളവിൽ ഉയർത്താറില്ല.