കൊടുങ്ങല്ലൂര്‍: കാര്‍ വാടകക്ക് വാങ്ങി പണം വച്ച് തട്ടിപ്പ് നടത്തുന്ന സംഘത്തിലെ ഒരാള്‍ കൂടി അറസ്റ്റില്‍. കാര്‍ വാടകക്ക് വാങ്ങുകയും തുടര്‍ന്ന് ഉടമസ്ഥന്റെ അനുമതിയില്ലാതെ കാര്‍ മറ്റൊരാള്‍ക്ക് പണയം വച്ച് തട്ടിപ്പ് നടത്തുന്ന സംഘത്തിലെ വയനാട് അമ്പലവയല്‍ മുണ്ടയില്‍ അക്ഷയാണ് അറസ്റ്റിലായത്.
പത്താഴക്കാട് കുടുപ്പിള്ളി ഹാഷിമിന്റെ ഉടമസ്ഥതയിലുള്ള രണ്ട് കാറുകള്‍ അബ്ദുള്‍ റഷിന്‍ എന്നയാള്‍ വാടകക്ക് വാങ്ങുകയും തുടര്‍ന്ന് അക്ഷയിന്റെ സഹായത്തോടെ ഉടമസ്ഥനറിയാതെ മറ്റൊരാള്‍ക്ക് പണയം വയ്‌ക്കുകയും ചെയ്തുവെന്ന പരാതിയില്‍ കൊടുങ്ങല്ലൂര്‍ പോലീസ് സ്റ്റേഷനില്‍ കേസ് രജിസ്റ്റര്‍ ചെയ്ത് അന്വേഷണം നടത്തിവരവെയാണ് പ്രതി അക്ഷയ് അറസ്റ്റിലായത്. ടിയാന്‍ എറണാകുളം, പാലക്കാട് ജില്ലകളില്‍ സമാനമായ നിരവധി കേസുകളില്‍ പ്രതിയാണ്. ഇന്‍സ്‌പെക്ടര്‍ ഇ.ആര്‍. ബൈജുവിന്റെ നേതൃത്വത്തില്‍ എസ്‌ഐ ഹരോള്‍ഡ് ജോര്‍ജ്, രവികുമാര്‍, സിപിഒ മാരായ ഗോപകുമാര്‍, ജിജോ ജോസഫ് എന്നിവര്‍ അന്വേഷണ സംഘത്തില്‍ ഉണ്ടായിരുന്നു.
പ്രതികരിക്കാൻ ഇവിടെ എഴുതുക: