പാലക്കാട്: രാജ്യത്തിലെ ഏറ്റവും വലിയ ‘പ്രധാനമന്ത്രി ജൻ ഔഷധി സ്റ്റോർ’ കേരളത്തില്‍ പാലക്കാട് ജില്ലയിലെ ഷൊർണ്ണൂരിൽ തുറന്നു. സിനിമാ താരം സുരേഷ് ഗോപിയാണ് ഈ സ്റ്റോറിന്റെ ഉദ്ഘാടനം നിര്‍വ്വഹിച്ചത്. കാരേക്കാട് മണികണ്ഠൻ സുരേഷ് ഗോപിയിൽ നിന്നും ആദ്യ വിൽപ്പന ഏറ്റുവാങ്ങി.
കണ്ണടകൾ, മെഡിക്കൽ എക്യുപ്‌മെന്റ്‌സ്, സർജിക്കൽസ് ലഭ്യമാണ് കൂടാതെ ഓർത്തോപീഡിക് & ഡയബറ്റിക് ഫൂട് വെയർ കോസ്‌മെറ്റിക്‌സ് എന്നിവയും ലഭ്യമാണ്. സൗജന്യ നേത്രപരിശോധന ഇവിടെ ചെയ്യും. ഇംഗ്ലീഷ് മരുന്നുകൾക്ക് പൊതു വിപണിയേക്കാൾ 50% മുതൽ 90% വരെ വിലക്കുറവുമുണ്ട്.
ജൻ ഔഷധി സ്റ്റോർ ഉടമ സിദ്ധാർഥ് ശ്രീകുമാർ, ഭാര്യ കാർത്തിക, പിതാവ് പ്രഭാ ശങ്കർ, മാതാവ് കുമാരി, കുടുംബാംഗങ്ങൾ, സുഹൃത്തുകൾ തുടങ്ങിയവരുടെ സാന്നിധ്യത്തിലായിരുന്നു ഉദ്ഘാടനം. ബിജെപി നേതാക്കൾ നഗരസഭ കൗൺസിലർമാർ, ഷോറൂം മാനേജർ കിരൺ കുമാർ, ജീവനക്കാർ തുടങ്ങിയവർ ഉദ്ഘാടന ചടങ്ങിൽ പങ്കെടുത്തു.
പ്രതികരിക്കാൻ ഇവിടെ എഴുതുക: