ന്യൂദല്‍ഹി: രാജ്യവ്യാപകമായ വാക്‌സിനേഷന്‍ യജ്ഞത്തിന് കീഴില്‍ ഇതുവരെ 220.59 കോടി വാക്‌സിന്‍ ഡോസുകള്‍ (95.19 കോടി രണ്ടാം ഡോസും 22.82 കോടി മുന്‍കരുതല്‍ ഡോസും) നല്‍കിയിട്ടുണ്ട്.
കഴിഞ്ഞ 24 മണിക്കൂറിനുള്ളില്‍ 1,34,455 ഡോസുകള്‍ നല്‍കി. ഇന്ത്യയിലെ സജീവ കേസുകളുടെ എണ്ണം നിലവില്‍ 1,771 ആണ്. സജീവ കേസുകള്‍ 0.01% ആണ്. രോഗമുക്തി നിരക്ക് നിലവില്‍ 98.81% ആണ്. കഴിഞ്ഞ 24 മണിക്കൂറിനുള്ളില്‍ 135 പേര്‍ രോഗമുക്തി നേടി. മൊത്തം രോഗമുക്തരുടെ എണ്ണം 4,41,51,027 ആയി ഉയര്‍ന്നു. കഴിഞ്ഞ 24 മണിക്കൂറിനിടെ 89 പുതിയ കേസുകളാണ് റിപ്പോര്‍ട്ട് ചെയ്തത്.
പ്രതിദിന രോഗസ്ഥിരീകരണ നിരക്ക് (0.07%). പ്രതിവാര രോഗസ്ഥിരീകരണ നിരക്ക് (0.08%). ഇതുവരെ 91.64 കോടി പരിശോധനകള്‍ നടത്തി. കഴിഞ്ഞ 24 മണിക്കൂറിനുള്ളില്‍ നടന്നത് 1,29,504 പരിശോധനകള്‍.
പ്രതികരിക്കാൻ ഇവിടെ എഴുതുക: