ചാത്തന്നൂര്‍: ചാത്തന്നൂര്‍ പഞ്ചായത്തിലെ വിവിധ ഭാഗങ്ങളില്‍ നിന്നും സിപിഎം പ്രവര്‍ത്തകര്‍ ബിജെപിയില്‍ ചേര്‍ന്നു. ഡിവൈഎഫ്‌ഐ ചാത്തന്നൂര്‍ ടൗണ്‍ യൂണിറ്റ് സെക്രട്ടറി വിഘ്‌നേഷ്, സിപിഎം ബ്രാഞ്ച് കമ്മിറ്റി അംഗം വിഷ്ണു എന്നിവരുടെ നേതൃത്വത്തില്‍ പത്തോളം പേരാണ് ബിജെപിയില്‍ അംഗങ്ങളായത്.
പാര്‍ട്ടി ചാത്തന്നൂര്‍ പഞ്ചായത്ത് സമിതി പ്രസിഡന്റ് രാജന്‍ പിള്ളയുടെ അധ്യക്ഷതയില്‍ ചേര്‍ന്ന യോഗത്തില്‍ ജില്ലാ സെക്രട്ടറി എസ്. പ്രശാന്ത്, ചാത്തന്നൂര്‍ മണ്ഡലം പ്രസിഡന്റ് ശ്യാംപ്രവീണ്‍ എന്നിവര്‍ മെമ്പര്‍ഷിപ്പ് നല്‍കി ഇവരെ സ്വീകരിച്ചു.
മണ്ഡലം വൈസ് പ്രസിഡന്റ് ഉണ്ണി കളിയാക്കുളം, ചാത്തന്നൂര്‍ പഞ്ചായത്ത് സമിതി ജനറല്‍ സെക്രട്ടറി സുധീഷ്, പഞ്ചായത്ത് സമിതി സെക്രട്ടറി ദിനേശ്, ബൂത്ത് പ്രസിഡന്റ് സുകേഷ് എന്നിവര്‍ സംസാരിച്ചു.
പ്രതികരിക്കാൻ ഇവിടെ എഴുതുക: