ബര്‍മിങ്ഹാം: കോമണ്‍വെല്‍ത്ത് ഗെയിംസ് അത്‌ലറ്റിക്‌സില്‍ ഇന്ത്യക്ക് മറ്റൊരു മെഡല്‍ കൂടി. പുരുഷന്മാരുടെ 3000 മീറ്ററില്‍ അവിനാശ് സാബ്ലെയാണ് മെഡലണിഞ്ഞത്. 8:11.20 മിനിറ്റില്‍ പുതിയ ദേശീയ റിക്കോര്‍ഡോടെയാണ് സാബ്ലെ വെള്ളി സ്വന്തമാക്കിയത്. ഗെയിംസ് അത്‌ലറ്റിക്‌സില്‍ ഇന്ത്യയുടെ നാലാം മെഡലായി ഇത്.
കെനിയയുടെ അബ്രഹാം കിബിവോട്ട് മത്സരത്തില്‍ സ്വര്‍ണം നേടി. 8:11.15 മിനിറ്റില്‍ താരം ഒന്നാമതെത്തി. നേരിയ വ്യത്യാസത്തിനാണ് ഇന്ത്യന്‍ താരത്തിന് സ്വര്‍ണം നഷ്ടമായത്. കെനിയയുടെ തന്നെ അമോസ് സെറെം വെങ്കലം നേടി. സാബ്ലെയുടെ ആദ്യ കോമണ്‍വെല്‍ത്ത് ഗെയിംസ് മെഡലാണിത്. 2019-ല്‍ ദോഹയില്‍ നടന്ന ഏഷ്യന്‍ അത്ലറ്റിക്സ് ചാമ്പ്യന്‍ഷിപ്പിലും സാബ്ലെ വെള്ളി മെഡല്‍ നേടിയിരുന്നു.
പ്രതികരിക്കാൻ ഇവിടെ എഴുതുക: