കൊല്ലം: കോര്പ്പറേഷന് തൊഴിലാളിയുടെ സത്യസന്ധത കൊണ്ട് വിദ്യാര്ഥിനിക്ക് സ്വര്ണ ലോക്കറ്റ് തിരികെ ലഭിച്ചു. തേവള്ളി ഗവ. ഗേള്സ് സ്കൂള് വൃത്തിയാക്കുന്നതിനിടയിലാണ് കോര്പ്പറേഷന് തേവള്ളി സോണല് ജീവനക്കാരനായ പ്രേം പുരുഷന് സ്വര്ണ ലോക്കറ്റ് ലഭിക്കുന്നത്.
സ്കൂള് കുറച്ച് ദിവസങ്ങളായി അടഞ്ഞുകിടന്നു. അതിനാല് ആരുടെതാണെന്ന് അറിഞ്ഞിരുന്നില്ല. ലോക്കറ്റ് സ്വര്ണമാണെന്ന് ഉറപ്പ് വരുത്തിയതിനു ശേഷം പ്രേം തേവള്ളി കൗണ്സിലര് ബി. ഷൈലജയെ ഏല്പ്പിക്കുകയായിരുന്നു. സ്വര്ണ ലേക്കറ്റ് ലഭിച്ച വിവരം കൗണ്സിലര് സ്കൂള് അധികൃതരെ അറിയിച്ചു. ശേഷം അവര് നടത്തിയ അന്വേഷണത്തിലാണ് ഒന്പതാം ക്ലാസ് വിദ്യാര്ത്ഥിനിയായ പ്രവീണയുടെതാണ് സ്വര്ണ്ണലോക്കറ്റ് എന്ന് അറിയുന്നത്.
മാര്ച്ചിലെ പരീക്ഷ സമയത്താണ് വിദ്യാര്ഥിനിയുടെ ലോക്കറ്റ് നഷ്ട്മായത്. കഴിഞ്ഞ ദിവസം സ്കൂളില് എത്തി പ്രവീണ സ്വര്ണ ലോക്കറ്റ് പ്രേമില് നിന്നും കൈപ്പറ്റി. സ്കൂള് അധികൃതര് പ്രേമിനെ പൊന്നാടയണിയിച്ച് ആദരിച്ചു. മണലില് സ്വദേശിയാണ് പ്രേം. കൗണ്സിലര് ബി. ഷൈലജ, ഹെഡ്മിസ്ട്രസ് നിര്മ്മല, പിടിഎ ഭാരവാഹികള് എന്നിവര് സംബന്ധിച്ചു.
പ്രതികരിക്കാൻ ഇവിടെ എഴുതുക: