മാഞ്ചസ്റ്റര്‍: ഇംഗ്ലീഷ് പ്രീമിയര്‍ ലീഗില്‍ മാഞ്ചസ്റ്റര്‍ സിറ്റിക്കെതിരെ ടോട്ടനത്തിന് തകര്‍പ്പന്‍ വിജയം. അധിക സമയത്ത് ഗോളുകള്‍ വീണ മത്സരത്തില്‍ മൂന്നിനെതിരെ രണ്ട് ഗോളുകള്‍ക്കാണ് ടോട്ടനം വിജയിച്ചത്. ഹാരി കെയ്‌നിന്റെ ഇരട്ട ഗോളുകളാണ് ടോട്ടനത്തിന് കരുത്തായത്.
നാലാം മിനിറ്റില്‍ ഡീജന്‍ കുലുസേവ്കി ടോട്ടനത്തിന് ലീഡ് നല്‍കി. 33-ാം മിനിറ്റില്‍ ഇല്‌കെയ് ഗുന്‍ഡോഗനിലൂടെ തിരിച്ചടിച്ച സിറ്റി സമനില നേടി. ആദ്യ പകുതിയില്‍ ഒപ്പത്തിനൊപ്പം പിരിഞ്ഞ മത്സരത്തില്‍ രണ്ടാം പകുതിയില്‍ കളി മാറി. 59-ാം മിനിറ്റില്‍ ഹാരി കെയ്ന്‍ ആദ്യ ഗോള്‍ നേടി. അധിക സമയത്ത് പെനാല്‍റ്റിയിലൂടെ റിയാദ് മെഹ്‌റസ് സിറ്റിയെ ഒപ്പമെത്തിച്ചു. പിന്നാലെ ഹാരി കെയ്ന്‍ വീണ്ടും ഗോള്‍ നേടിയതോടെ ടോട്ടനത്തിന് വിജയം.
തോല്‍വിയോടെ പോയിന്റ് പട്ടികയില്‍ ഒന്നാം സ്ഥാനത്ത് ലീഡ് വര്‍ധിപ്പിക്കാനുള്ള അവസരം സിറ്റിക്ക് നഷ്ടമായി. നിലവില്‍ 63 പോയിന്റാണ് സിറ്റിക്കുള്ളത്. ടോട്ടനം ഏഴാം സ്ഥാനത്താണ്, 39 പോയിന്റ്. സിറ്റിയുടെ മൂന്നാം തോല്‍വി മാത്രമാണിത്.
പ്രതികരിക്കാൻ ഇവിടെ എഴുതുക: