മുംബൈ: രാം മന്ദിരം നിര്‍മ്മിക്കാനുള്ള സമരത്തില്‍ ശിവേസന നേതാക്കള്‍ പ്രസംഗങ്ങള്‍ നടത്തുക മാത്രമേ ചെയ്തുള്ളൂ, അപ്പോള്‍ ഞങ്ങള്‍ വെടിയുണ്ടകളും തല്ലുകളും നേരിടുകയായിരുന്നുവെന്ന് ബിജെപി നേതാവ് ദേവേന്ദ്ര ഫഡ്‌നാവിസ്. ബിജെപി ഹിന്ദുത്വത്തെ അധികാരത്തിന് വേണ്ടി മാത്രമാണ് ഉപയോഗിച്ചതെന്ന ശിവസേന നേതാവും മഹാരാഷ്ട്ര മുഖ്യമന്ത്രിയുമായ ഉദ്ധവ് താക്കറേയുടെ വിമര്‍ശനത്തിന് മറുപടി പറയുകയായിരുന്നു മുന്‍ മഹാരാഷ്ട്ര മുഖ്യമന്ത്രി കൂടിയായ ദേവേന്ദ്ര ഫഡ്‌നാവിസ്.
മുംബൈയിലെ തദ്ദേശസ്ഥാപനങ്ങളില്‍ ബിജെപിക്ക് അംഗങ്ങളുണ്ടായിരുന്നപ്പോള്‍ ശിവസേന ജന്മം കൊണ്ടിട്ടുപോലുമില്ല. ബിജെപിക്കൊപ്പം നിന്ന് ശിവസേന 25 വര്‍ഷം പാഴാക്കിയെന്ന മഹാരാഷ്ട്ര മുഖ്യമന്ത്രി ഉദ്ധവ് താക്കറേയുടെ വിമര്‍ശനത്തിന് ഉത്തരം കൊടുക്കുകയായിരുന്നു ഫഡ്‌നാവിസ്
1984ലെ തെരഞ്ഞെടുപ്പില്‍ ശിവസേന സ്ഥാനാര്‍ത്ഥി ബിജെപി ടിക്കറ്റിലാണ് മത്സരിച്ചത്. ഈയിടെ നടന്ന തദ്ദേശ തിരഞ്ഞെടുപ്പില്‍ നാലാം സ്ഥാനത്തേക്ക് തള്ളപ്പെടത്തിന്റെ നിരാശയാണ് ഉദ്ധവ് താക്കറേയ്‌ക്കെന്നും ഫഡ്‌നാവിസ് കുറ്റപ്പെടുത്തി.
പ്രതികരിക്കാൻ ഇവിടെ എഴുതുക: