പ്രിയ സൂപ്പര്‍ താരങ്ങളുടെ സിനിമകളുടെ റിലീസ് വലിയ ആഘോഷമാക്കുന്നത് തമിഴ് ആരാധകരുടെ പുതുമയുള്ള കാര്യമല്ല. എന്നാല്‍ തമിഴകത്ത് അജിത്ത് എന്ന നടന്റെ സാന്നിധ്യം വളരേ വലുതാണ്. താരങ്ങളുടെ സിനിമകളുടെ ട്രെയ്‌ലറും ടീസറുമൊക്കെ ബിഗ് സ്‌ക്രീനില്‍ കാണുന്നതാണ് അവിടുത്തെ പുതിയ ട്രെന്‍ഡ്. നടന്‍ അജിത്തിന്റെ ‘വലിമൈ’ ചിത്രത്തിന്റെ ഇന്ന് പുറത്തിറങ്ങിയ ട്രെയ്‌ലറിന് വേണ്ടി സ്‌പെഷ്യല്‍ ഷോകളും തമിഴ്‌നാട്ടിലെ തിയേറ്ററുകള്‍ ഒരുക്കിയിരുന്നു. ഇപ്പോള്‍ സിനിമയുടെ ടിക്കറ്റ് നിരക്കാണ് സമൂഹമാധ്യമങ്ങളില്‍ ചര്‍ച്ചയായി കൊണ്ടിരിക്കുന്നത്. പൊങ്കല്‍ റീലിസാകുന്ന വലിമൈയുടെ ട്രെയ്‌ലര്‍ ഷോ ടിക്കറ്റിന്റെ നിരക്ക് വെറും പത്ത് രൂപയ്‌ക്കാണ് വിറ്റ് പോകുന്നത്. നിമിശങ്ങള്‍ക്ക് അകംതന്നെ ടിക്കറ്റുകള്‍ പൂര്‍ണ്ണമായും വിറ്റ് തീര്‍ന്നു.
ദിണ്ഡിഗുളിലെ ഉമാ രാജേന്ദ്ര സിനിമാസിന്റെ ട്രെയ്‌ലര്‍ ഷോ ടിക്കറ്റുകളാണ് ട്വിറ്ററില്‍ ഏറെ പ്രചരിക്കുന്നത്. 10 രൂപയാണ് അവര്‍ ടിക്കിനായി ഈടാക്കിയത്. 6.30 നാണ് തിയേറ്ററില്‍ ട്രെയ്‌ലര്‍ റിലീസ് ചെയ്തത്. നടന്‍ അജിത്തിനോടുള്ള ആരാധനമൂലമാണ് കുറഞ്ഞ നിരക്കില്‍ ടിക്കറ്റുകള്‍ നല്‍കിയത്. രണ്ടര വര്‍ഷത്തിനു ശേഷം എത്തുന്ന അജിത്ത് ചിത്രമാണ് വലിമൈ. അതുകൊണ്ട് വലിയ രീതിയിലുള്ള ആഘോശങ്ങള്‍ തന്നെ നമുക്ക് പൊങ്കല്‍ ദിവസം തീയേറ്ററുകളില്‍ കാണാം. ‘വലിമൈ’യുടെ തന്നെ ഫസ്റ്റ് ഗ്ലിംപ്‌സ് വീഡിയോ പുറത്തിറങ്ങിയ സമയത്ത് തിരുനെല്‍വേലിയിലെ പ്രശസ്ത തിയറ്ററായ റാം മുത്തുറാം സിനിമാസ് ആരാധകര്‍ക്കായി പ്രൊമോ വീഡിയോയുടെ സൗജന്യ പ്രദര്‍ശനം സംഘടിപ്പിച്ചിരുന്നു.
പ്രതികരിക്കാൻ ഇവിടെ എഴുതുക: