മാഹി: ചരിത്രത്തിലാദ്യമായി ബിജെപിക്ക് പുതുച്ചേരിയില്‍ രാജ്യസഭാംഗം. ബിജെപി സ്ഥാനാര്‍ത്ഥി എസ്. ശെല്‍വ ഗണപതിയാണ് എതിരില്ലാതെ തെരഞ്ഞെടുക്കപ്പെട്ടത്. നാലു സ്വതന്ത്ര സ്ഥാനാര്‍ത്ഥികളുടെ പത്രിക തള്ളിപ്പോയതോടെ ബിജെപി സ്ഥാനാര്‍ത്ഥിയായി പത്രിക നല്‍കിയ എസ്. ശെല്‍വ ഗണപതി എതിരില്ലാതെ തെരഞ്ഞെടുക്കപ്പെട്ടു.
2017 ജൂലൈ നാലു മുതല്‍ 2021 ഫെബ്രുവരി 21 വരെ പുതുച്ചേരി നിയമസഭയില്‍ നോമിനേറ്റഡ് അംഗമായിരുന്നു ശെല്‍വ ഗണപതി. വിവേകാനന്ദാ കോളേജ് ഓഫ് എഡുക്കേഷന്റെ പേരില്‍ വിദ്യാഭ്യാസ സ്ഥാപനങ്ങള്‍ നടത്തിവരുന്നു. 1957 ഏപ്രില്‍ 16ന് ലാസ്‌പേട്ടയില്‍ സുബ്രമണ്യത്തിന്റെയും തൃപുരസുന്ദരിയുടെയും മകനായി ജനനം. എംഎ, എംഎഡ് ബിരുദധാരിയാണ്. ഭാര്യ: ഇന്ദിര. മകള്‍: മഹാലക്ഷ്മി.
പ്രതികരിക്കാൻ ഇവിടെ എഴുതുക: