ന്യൂയോര്‍ക്ക് : കോവിഡ് വാക്‌സിന്‍ നിര്‍ബന്ധമായും എടുത്തിരിക്കണമെന്ന നിര്‍ദ്ദേശം പാലിക്കാതിരുന്ന മൂന്ന് ജീവനക്കാരെ സിഎന്‍എന്‍ പിരിച്ചുവിട്ടു. വാക്‌സിനെടുക്കാതെ ഓഫീസില്‍ പ്രവേശിച്ച ജീവനക്കാരെ പിരിച്ചുവിട്ടതായി സിഎന്‍എന്‍ മേധാവി ജെഫ് സുക്കര്‍ വ്യാഴാഴ്ച നോട്ടീസ് നല്‍കുകയായിരുന്നു.
ഓഫീസ് ജീവനക്കാരായ എല്ലാവരും നിര്‍ബന്ധമായും കോവിഡ് വാക്‌സിന്‍ എടുത്തിരിക്കണമെന്ന് സിഎന്‍എന്‍ ജീവനക്കാര്‍ക്ക് നിര്‍ദ്ദേശം നല്‍കിയിരുന്നതാണ്. ഈ നയത്തില്‍ യാതൊരു ഇളവും നല്‍കില്ലെന്ന് വര്‍ണര്‍ മീഡിയയുടെ സ്‌പോര്‍ട്‌സ് ആന്‍ഡ് ന്യൂസ് ഡയറക്ടറായ ജെഫ് സുക്കര്‍ പ്രസ്താവിച്ചു.
അതേസമയം വാക്‌സീന്‍ എടുക്കാത്തതിന് പിരിച്ചുവിട്ട ജീവനക്കാരുടെ വിവരങ്ങളോ, അവര്‍ എന്തായാണ് ജോലി ചെയ്യുന്നത് തുടങ്ങിയ കാര്യങ്ങള്‍ സിഎന്‍എന്‍ പുറത്തുവിട്ടിട്ടില്ല. സിഎന്‍എന്‍ അവരുടെ ഓഫീസുകള്‍ പൂര്‍ണ്ണമായും തുറന്ന് പ്രവര്‍ത്തനം തുടങ്ങി. നിലവില്‍ നാലില്‍ മൂന്ന് ശതമാനം ജീവനക്കാരെയാണ് പ്രവേശിപ്പിക്കുന്നത്. ഓഫീസിലെത്തുന്നവര്‍ നിര്‍ബന്ധമായും വാക്‌സിന്‍ എടുത്തിരിക്കണം. ഇത് പാലിക്കാത്തവര്‍ക്കെതിരെ നടപടി കൈക്കൊള്ളുമെന്നും സിഎന്‍എന്‍ അറിയിച്ചിട്ടുണ്ട്.
പ്രതികരിക്കാൻ ഇവിടെ എഴുതുക: