കോട്ടയം: വധശ്രമക്കേസ് പ്രതിയെ കസ്റ്റഡിയില്‍ എടുക്കാന്‍ പോകവേ എസ്‌ഐക്ക് വെട്ടേറ്റു. എസ്‌ഐ വിദ്യാദരനാണ് വെട്ടേറ്റത്. കോട്ടയം മണിമലയില്‍ വെള്ളാവൂര്‍ ചുവട്ടടിപ്പാറയില്‍ ഇന്ന് രാവിലെ ആയിരുന്നു സംഭവം. വധശ്രമക്കേസിലെ പ്രതി അജിനെ അറസ്റ്റ് ചെയ്ത് മടങ്ങവേ പ്രതിയുടെ അച്ഛന്‍ പ്രസാദ് എസ്‌ഐയുടെ തലയ്ക്ക് വെട്ടുകയായിരുന്നു.
ആക്രമണത്തില്‍ എസ്‌ഐയുടെ തലയോട്ടിക്ക് പൊട്ടലുണ്ട്. എസ്‌ഐയെ കാഞ്ഞിരപ്പള്ളി താലൂക്ക് ആശുപത്രിയില്‍ പ്രവേശിപ്പിച്ച എസ്‌ഐയെ പിന്നീട് കോട്ടയം മെഡിക്കല്‍ കോളേജിലേക്ക് മാറ്റി. പ്രതിയെ അറസ്റ്റ് ചെയ്‌തെന്ന് പോലീസ് അറിയിച്ചു.
പ്രതികരിക്കാൻ ഇവിടെ എഴുതുക: