പള്ളുരുത്തി: പറമ്പില്‍ കെട്ടിയിട്ട ആടിനെ നായകള്‍ കടിച്ചു കൊന്നു. ഇടക്കൊച്ചി കണച്ചക്കനാട്ട് വീട്ടില്‍ സിനി പെരേരയുടെ രണ്ട് ആടുകളില്‍ ഒന്നിനെയാണ് നായ്‌ക്കൂട്ടം ആക്രമിച്ച് കൊന്നത്.
ശനിയാഴ്ച വൈകിട്ടോടെയാണ് സംഭവം. ഇടക്കൊച്ചി വിഎടി ജങ്ഷനിലുള്ള പാമ്പില്‍ കെട്ടിയിട്ടിരുന്ന ആടിന്റെ പിന്‍ഭാഗത്തും കാലുകളും നായക്കൂട്ടം കടിച്ചുകീറി.
ആടിന്റെ കരച്ചില്‍ കേട്ട് ബേബിയുടെ ഭാര്യ എത്തിയപ്പോഴേക്കും നായ്‌ക്കള്‍ ഓടി രക്ഷപ്പെട്ടു. ഗുരുതരമായി പരിക്കേറ്റ ആടിനെ മൃഗാശുപത്രിയില്‍ എത്തിച്ച് ചികിത്സ നല്‍കിയെങ്കിലും തിങ്കളാഴ്‌ച്ച രാത്രിയോടെ ചത്തു. ഇതിനു മുന്‍പും സിനിയുടെ വീട്ടില്‍ വളര്‍ത്തിയിരുന്ന പട്ടിക്കുട്ടിയെ തെരുവ് നായ്‌ക്കള്‍ കൂട്ടം കൂടി ആക്രമിച്ചു പരിക്കേല്‍പ്പിച്ചിരുന്നു.
ഇടക്കൊച്ചിയുടെ പല ഭാഗത്തും നായ ശല്യം രൂക്ഷമാണ്. മാലിന്യം റോഡുകളില്‍ വലിച്ചെറിയുന്നതാണ് നായ്‌ക്കള്‍ പെരുകാന്‍ കാരണം. സംഭവത്തെ തുടര്‍ന്ന് നഗരസഭയുടെ കീഴിലുള്ള ഡോഗ് സ്‌ക്വാഡെത്തി പ്രദേശത്ത് നിന്ന് പിടികൂടിയ തെരുവ് നായ്‌ക്കളെ വന്ധ്യംകരണം നടത്തുന്നതിനായി കൊണ്ടുപോയി.
പ്രതികരിക്കാൻ ഇവിടെ എഴുതുക: