ഇത് പുതിയ കേരളത്തിന് വേണ്ടിയുള്ള തിരഞ്ഞെടുപ്പ്; എന്‍ഡിഎ സ്ഥാനാര്‍ത്ഥികള്‍ക്ക് വേണ്ടി വോട്ട് അഭ്യര്‍ത്ഥിച്ച് കെ.സുരേന്ദ്രന്‍

തിരുവനന്തപുരം: നാളെ നടക്കുന്ന നിയമസഭാ തിരഞ്ഞെടുപ്പ് പുതിയ കേരളത്തിനായുള്ള നിര്‍ണായക ചുവട് വെപ്പാണെന്ന് ബിജെപി സംസ്ഥാന പ്രസിഡന്റ് കെ.സുരേന്ദ്രന്‍. എന്‍ഡിഎ ഉയര്‍ത്തിയ പുതിയ കേരളം മോദിക്കൊപ്പം എന്ന മുദ്രാവാക്യം കേരളം ഏറ്റെടുത്തു കഴിഞ്ഞു. ആറുപതിറ്റാണ്ടായി കേരളം മാറി മാറി ഭരിക്കുന്ന ഇരുമുന്നണികളില്‍ നിന്നുമുള്ള മാറ്റത്തിന് ജനം ആഗ്രഹിക്കുന്നു. അഴിമതിയും പ്രീണനവും വികസനന മുരടിപ്പും അവസാനിപ്പിച്ച് ഒരു പുതിയ കേരളം സൃഷ്ടിക്കാനാണ് എന്‍ഡിഎ ശ്രമിക്കുന്നത്. ഏഴു വര്‍ഷക്കാലത്തെ കേന്ദ്രത്തിലെ നരേന്ദ്രമോദി സര്‍ക്കാരിന്റെ വികസന നേട്ടങ്ങളാണ് ദേശീയ ജനാധിപത്യ സഖ്യത്തിന്റെ ഉറപ്പ്. എല്ലാ വോട്ടര്‍മാരും പുതിയ കേരളത്തിന് വേണ്ടി വോട്ട് ചെയ്യണമെന്ന് അഭ്യര്‍ത്ഥിക്കുന്നതായും അദ്ദേഹം പറഞ്ഞു.