ആലപ്പുഴ: കുട്ടനാട്ടിലെ ഇടതു സ്ഥാനാര്‍ത്ഥിയുടെ സ്വീകരണ സമ്മേളനത്തില്‍ പങ്കെടുക്കാത്ത അയര്‍ക്കൂട്ടം പ്രവര്‍ത്തകരെയും തൊഴിലുറപ്പ് തൊഴിലാളികളെയും ഭീഷണിപ്പെടുത്തുന്ന ശബ്ദ സന്ദേശം പുറത്ത്.
ഇവിടെ അന്തരിച്ച തോമസ് ചാണ്ടിയുടെ സഹോദരന്‍ തോമസ് കെ തോമസ് (എന്‍സിപി) ആണ് ഇടതുമുന്നണിയ്‌ക്ക് വേണ്ടി മത്സരിക്കുന്നത്. കുട്ടനാട്ടിലെ തലവടി പഞ്ചായത്ത് 12ാം വാര്‍ഡില്‍ സ്വീകരണ യോഗത്തില്‍ പങ്കെടുക്കാത്ത തൊഴിലാളകളെ മസ്റ്റര്‍ റോളില്‍ നിന്നും വെട്ടിമാറ്റുമെന്നാണ് ഭീഷണി.
ഇതിന്റെ ശബ്ദരേഖ ഇപ്പോള്‍ സമൂഹമാധ്യമങ്ങള്‍ വൈറലാണ്. സിപിഎം നേതൃത്വത്തിലുള്ള ഇടതുമുന്നണി സര്‍ക്കാരിന്റെ സ്വകാര്യസ്വത്തല്ല തൊഴിലുറപ്പ് പദ്ധതി. പഞ്ചായത്ത് ഭരിയ്‌ക്കുന്നത് ഇടതു ജനാധിപത്യമുന്നണിയാണെന്നും സന്ദേശത്തില്‍ പറയുന്നുണ്ട്.
ഈ പദ്ധതിയ്‌ക്കുള്ള 90 ശതമാനം തുകയും കേന്ദ്രസര്‍ക്കാര്‍ നല്‍കുമ്പോഴാണ് തൊഴിലുറപ്പ് പദ്ധതിയില്‍ ഉള്‍പ്പെടുത്തിയിട്ടുള്ള തൊഴിലാളികളെ ജാഥയ്‌ക്ക് വന്നില്ലെങ്കില്‍ പദ്ധതിയില്‍ നിന്നും പേര് വെട്ടിമാറ്റുമെന്ന് ഭീഷണിപ്പെടുത്തുന്നത്. പാവപ്പെട്ടവര്‍ക്ക് ജീവിതോപാധി ഉറപ്പിക്കാന്‍ കേന്ദ്രസര്‍ക്കാര്‍ നല്‍കുന്ന പദ്ധതിയെ ജാഥയ്‌ക്ക് തലയെണ്ണം ഒപ്പിച്ചെടുക്കാനുള്ള കുറുക്കുവഴിയായി ഇടതുപക്ഷം ഉപയോഗിക്കുകയാണ്.
പ്രതികരിക്കാൻ ഇവിടെ എഴുതുക: