തിരുവനന്തപുരം: സി.പി.ഐ. മുന്‍ കൗണ്‍സിലറും സി.പി.എം. മുന്‍ ബ്രാഞ്ച് സെക്രട്ടറിയുമടക്കം ശംഖുംമുഖത്തുനിന്നുള്ള 20 പേര്‍ ബി.ജെ.പിയില്‍ ചേര്‍ന്നു. തിരുവനന്തപുരം സെന്‍ട്രല്‍ മണ്ഡലത്തിലെ തെരഞ്ഞെടുപ്പ് കണ്‍വന്‍ഷനിലാണ് ശംഖുംമുഖത്തെ സി.പി.ഐയുടെ മുന്‍ കൗണ്‍സിലര്‍ ലതാ മങ്കേഷ്‌കറും ഡി.വൈ.എഫ്.ഐ. ഭാരവാഹികളുമടക്കം ബി.ജെ.പി. അംഗത്വം സ്വീകരിച്ചത്.
സി.പി.എം. മുന്‍ ശംഖുംമുഖം ബ്രാഞ്ച് സെക്രട്ടറി രഞ്ജിത്, ഡി.വൈ.എഫ്.ഐ. മുന്‍ യൂണിറ്റ് ഭാരവാഹികളായ ഷംനാദ്, ഷഫീഖ്, സി.പി.എം. പ്രവര്‍ത്തകരായ ഫ്രാന്‍സിസ്, ബിനു, ബിജു, രജിത് തുടങ്ങിയവരും ശംഖുംമുഖം രാജീവ് നഗര്‍ മേഖലയില്‍നിന്നു ബി.ജെ.പിയിലെത്തി. ബി.ജെ.പി. സംസ്ഥാന സെക്രട്ടറി അഡ്വ.എസ്. സുരേഷ് ഷാളണിയിച്ചു സ്വീകരിച്ചു. തിരുവനന്തപുരം മണ്ഡലം എന്‍.ഡി.എ. സ്ഥാനാര്‍ഥി കൃഷ്ണകുമാര്‍ പങ്കെടുത്തു.
പ്രതികരിക്കാൻ ഇവിടെ എഴുതുക: