പാലക്കാട്: നാടിന് വേണ്ടി എന്തെങ്കിലും ചെയ്യാന്‍ സാധിക്കുമെന്ന് ഉറപ്പുള്ളത്‌കൊണ്ടാണ് കോണ്‍ഗ്രസ് വിട്ട് ബിജെപിയില്‍ ചേര്‍ന്നതെന്ന് പ്രശസ്ത സിനിമാ താരം ഖുശ്ബു സുന്ദര്‍. കോണ്‍ഗ്രസിലും ഡിഎംകെയിലും നടക്കുന്നത് മക്കള്‍ രാഷ്‌ട്രീയമാണ്. കാശ് സമ്പാദിക്കാം എന്നതിലപ്പുറം അവര്‍ക്ക് ജനങ്ങളോട് ്കൂറില്ല. എന്നാല്‍ നരേന്ദ്രമോദി നേതൃത്വ നല്‍കുന്ന ബിജെപി രാജ്യത്തെ പുരോഗതിയുടെ പാതയില്‍ മുന്നോട്ട് നയിക്കുകതയാണെന്ന് ഇതിനോടകം ജനങ്ങള്‍ മനസ്സിലാക്കിയിരിക്കുന്നുവെന്നും വിജയയാത്രയ്‌ക്ക് പാലക്കാട് നല്‍കിയ സ്വീകരണ പരിപാടിയില്‍ ഖുശ്ബു പറഞ്ഞു.
അഴിമതികണ്ട് മടുത്താണ് കോണ്‍ഗ്രസ് വിട്ടത്. കരുണാനിധിക്ക് ശേഷം സ്റ്റാലിന്‍ വന്നു, അതിനു ശേഷം ഉദയനിധിയെ വളര്‍ത്തിക്കൊണ്ട് വരുന്നു. തലമുറകളായി ഇതുതന്നെയാണ് തമിഴ്‌നാട്ടില്‍ നടന്നുപോകുന്നത്. കുടുംബപരമായി നടത്തി വരുന്ന അഴിമതി രാഷ്‌ട്രീയം തമിഴ്‌നാട്ടില്‍ അവസാനിപ്പിക്കാന്‍ ബിജെപിക്കേ സാധിക്കുള്ളുവെന്നും ഖുശ്ബു വ്യക്തമാക്കി.
വിജയയാത്രയ്‌ക്ക ലഭിച്ചിരിക്കുന്ന ഈ വലിയ സ്വികരണം കേരളത്തിന്‍ വന്‍ മുന്നേറ്റം ബിജെപി നടത്തുന്നു എന്നതിനുള്ള തെളിവാണ്. കേരളത്തിലേയും തമിഴ്‌നാട്ടിലെയും ബിജെപിയുടെ തെരഞ്ഞെടുപ്പ് വിജയങ്ങള്‍ മോദിക്ക് നമ്മള്‍ നല്‍കുന്ന സമ്മാനമായിരിക്കുമെന്നും ഖുശ്ബു പറഞ്ഞു. സമ്മേളന യോഗത്തില്‍ കേരളത്തിന്റെ പ്രഭാരി സി. രാധാകൃഷ്ണന്‍. സംസ്ഥാന ഉപാധ്യക്ഷന്‍ സദാനന്ദന്‍ മാസ്റ്റര്‍. സംസ്ഥാന ജനറല്‍ സെക്രട്ടറിമാരായ എംടി രമേശ്. അഡ്വ. എസ്.സുധീര്‍, ജോര്‍ജ് കുര്യന്‍ തുടങ്ങിയ നേതാക്കള്‍ പങ്കെടുത്തു.
പ്രതികരിക്കാൻ ഇവിടെ എഴുതുക: