ഫറ്റോര്‍ഡ: ഐഎസ്എല്‍ ഏഴാം പതിപ്പിന്റെ രണ്ടാം പാദത്തില്‍ കേരള ബ്ലാസ്‌റ്റേഴ്‌സ് ഇന്ന് ഒഡീഷ എഫ്‌സിയെ നേരിടും. ജിഎംസി സ്‌റ്റേഡിയത്തില്‍ രാത്രി 7.30 ന് കളി തുടങ്ങും.
മോശം ഫോം തുടരുന്ന ബ്ലാസ്‌റ്റേഴ്‌സ് വിജയം ലക്ഷ്യമിട്ടാണിറങ്ങുന്നത്. അവസാന രണ്ട് മത്സരങ്ങളില്‍ എടികെ മോഹന്‍ ബഗാനും മംബൈ സിറ്റി എഫ്‌സിക്കും എതിരെ തുടക്കത്തില്‍ ഗോള്‍ നേടി മുന്നിലെത്തിയിട്ടും ബ്ലാസ്‌റ്റേഴ്‌സിന് വിജയിക്കാനായില്ല. 16 മത്സരങ്ങളില്‍ മൂന്ന് വിജയങ്ങള്‍ മാത്രം നേടിയ ബ്ലാസ്‌റ്റേഴ്‌സിന് 15 പോയിന്റുമായി പത്താം സ്ഥാനത്താണ്.
പ്ലേ ഓഫില്‍ കടക്കുക വിഷമകരമാണെങ്കിലും ബ്ലാസ്‌റ്റേഴ്‌സ് കോച്ച് കിബു വിക്കുന പ്രതീക്ഷ കൈവിടുന്നില്ല. ശേഷിക്കുന്ന നാലു മത്സരങ്ങളില്‍ നിന്ന് 12 പോയിന്റുകള്‍ നേടുകയാണ് ലക്ഷ്യമെന്ന് വിക്കുന പറഞ്ഞു. ഒഡീഷ എഫ്‌സി 15 മത്സരങ്ങളില്‍ എട്ട് പോയിന്റുമായി ഏറ്റവും പിന്നിലാണ്. ഇത് വരെ കളിച്ച മത്സരങ്ങളില്‍ ഒന്നില്‍ മാത്രമാണ് വിജയിക്കാനായത്. ബ്ലാസ്‌റ്റേഴ്‌സിനെതിരെയാണ് അവര്‍ വിജയം നേടിയത്.
പ്രതികരിക്കാൻ ഇവിടെ എഴുതുക: