കോട്ടയം: മുന്നണിമാറ്റം സംബന്ധിച്ച് യുഡിഎഫിലെ ആരുമായും ചര്‍ച്ച നടത്തിയിട്ടില്ലെന്നു എന്‍സിപി നേതാവ് മാണി സി കാപ്പന്‍. എന്‍സിപി ഇടതു മുന്നണിയുടെ ഭാഗമായി തുടരും. പാലാ നിയമസഭാ സീറ്റ് ജോസ് കെ മാണിക്ക് വിട്ടുകൊടുക്കില്ലെന്നും അദ്ദേഹം ആവര്‍ത്തിച്ചു. പാലാ സീറ്റുമായി ബന്ധപ്പെട്ട വിഷയത്തില്‍ എന്‍സിപി ഇടതുമുന്നണി വിടുമെന്ന വാര്‍ത്തകളോട് പ്രതികരിക്കുകയായിരുന്നു മാണി സി കാപ്പന്‍.
അതേസമയം എല്‍ഡിഎഫ് വിടാന്‍ ആലോചിച്ചിട്ടേയില്ലെന്ന് പാര്‍ട്ടി സംസ്ഥാന അധ്യക്ഷന്‍ ടി പി പീതാംബരന്‍ മാസ്റ്ററും മാധ്യമങ്ങളോട് പറഞ്ഞു. ഇടതുമുന്നണിയെ ക്ഷീണിപ്പിക്കുന്ന ഒന്നും എന്‍സിപി ചെയ്യില്ലെന്നായിരുന്നു മന്ത്രി എ കെ ശശീന്ദ്രന്റെ പ്രതികരണം.
പ്രതികരിക്കാൻ ഇവിടെ എഴുതുക: