വോട്ട് നൽകിയില്ലെന്ന് ആരോപിച്ച് ഡിവൈഎഫ്‌ഐ പ്രവർത്തകന്റെ വീട് പാർട്ടിക്കാർ അടിച്ചു തകർത്തു

പാറശ്ശാല: വോട്ട് നൽകിയില്ലെന്ന് ആരോപിച്ച് ചെറുവാരക്കോണം ഡിവൈഎഫ്‌ഐ സെക്രട്ടറിയുടെ വീട് പാർട്ടി പ്രവർത്തകർ തന്നെ അടിച്ചു തകർത്തു. ചെറുവാരക്കോണം മുണ്ടപ്ലാവിള എള്ളുവിള സെൽവരാജിന്റെ വീടാണ് കഴിഞ്ഞ ദിവസം അടിച്ചു തകർത്തത്. 

സെൽവരാജിന്റെ മകൻ ചെറുവാരക്കോണം ഡിവൈഎഫ്‌ഐ സെക്രട്ടറിയാണ്. കഴിഞ്ഞ ദിവസം വൈകിട്ട് അഞ്ചു മണിയോടെയാണ് ചെറുവാരക്കോണം സ്വദേശിയായ ഒരു മിലിട്ടറി ഉദ്യോഗസ്ഥന്റെ നേതൃത്വത്തിലുള്ള സിപിഎം പ്രവർത്തകരാണ് വീടിന്റെ ജന്നൽപാളികൾ അടിച്ചുതകർത്തത്. വീട്ടിൽ ആളില്ലാത്തതിനാൽ വീട്ടുടമയായ ഡിവൈഎഫ്‌ഐ സെക്രട്ടറിയുടെ ഫോണിൽ വിളിച്ചുകൊല്ലുമെന്നു ഭീഷണിപ്പെടുത്തുകയും ചെയ്തു.

മുണ്ടാ പ്ലാവിള വാർഡിൽ കോൺഗ്രസ് ജയിച്ചതിന്റെ വൈരാഗ്യമാണ് പാർട്ടി പ്രവർത്തകർ തന്നെ സെക്രട്ടറിയുടെ വീട് അടിച്ചു തകർത്തുവെന്ന് കാണിച്ചു ഡിവൈഎഫ്‌ഐ സെക്രട്ടറി പാറശ്ശാല പോലീസിൽ പരാതി നൽകിയിരിക്കുകയാണ്.