മലയാളികള്‍ എന്നും മനസില്‍ താലോലിക്കുന്ന ഗൃഹാതുര സ്മരണകളുണര്‍ത്തുന്ന മികച്ച ഒരു പിടി ഗാനങ്ങളുടെ നിരയിലേക്ക് ഒരു മനോഹര ഗാനം കൂടി അവതരിപ്പിക്കുന്നു. ‘ഒരു മിഠായിക്കാലം.’
സത്യം ഓഡിയോസ് ഇന്നു റിലീസ് ചെയ്ത വീഡിയോ ആല്‍ബത്തില്‍ പ്രശസ്ത ചലച്ചിത്ര സംവിധായകന്‍ ലാല്‍ ജോസ് മുഖ്യവേഷത്തില്‍ അഭിനയിക്കുന്നു. ചലച്ചിത്രനിര്‍മാതാവും പ്രവാസി മലയാളിയുമായ, ജയിന്‍ ജോര്‍ജ് നിര്‍മിച്ചിരിക്കുന്ന ഈ ആല്‍ബത്തില്‍ ഗിരീഷ് പീറ്ററിന്റെ രചനയും ജോണ്‍സ് ജോസ് ഈണവും പകര്‍ന്ന് പ്രശസ്ത ഗായകന്‍ മധു ബാലകൃഷ്ണന്‍ ആലപിക്കുന്നു.
കുട്ടിക്കാല സ്മരണകളിലെ ഏറ്റവും മനോഹര നിമിഷങ്ങളായ സ്‌കൂള്‍ കാലഘട്ടത്തിലേക്കുള്ള ഒരു യാത്രയാണ് ഈ ഗാനം.
പള്ളിക്കൂടം കാലഘട്ടങ്ങളെ നെഞ്ചേറ്റി ഓമനിക്കുന്ന ഏത് മലയാളിയും വീണ്ടും വീണ്ടും കേള്‍ക്കാനാഗ്രഹിക്കുന്ന ഈ ഗാനം സത്യം ഓഡിയോസിന്റെ യൂ ട്യൂബ് ചാനലില്‍ ഇന്ന് റിലീസ് ചെയ്തു.
പ്രതികരിക്കാൻ ഇവിടെ എഴുതുക: