കോട്ടയം: പാലായില്‍ കാറും ലോറിയും കൂട്ടിയിടിച്ച് രണ്ടു പേര്‍ മരിച്ചു. ഇന്‍ഡസ് മോട്ടോഴ്‌സ് ജീവനക്കാരായ കട്ടപ്പന ഉപ്പുതറ ചപ്പാത്ത് കൊച്ചുചെരുവില്‍ സന്ദീപ് (31), വെങ്ങാലൂര്‍ നരിയമ്പാറ ഉറുമ്പില്‍ വിഷ്ണു (26) എന്നിവരാണ് മരിച്ചത്. അങ്കമാലി- പുനലൂര്‍ സംസ്ഥാന പാതയില്‍ പൂവരണിക്ക് സമീപമാണ് അപകടം ഉണ്ടായത്. കാറില്‍ സഞ്ചരിച്ചിരുന്ന യുവാവിനെ ഗുരുതര പരിക്കുകളോടെ ആശുപത്രിയില്‍ പ്രവേശിപ്പിച്ചു.
കട്ടപ്പനയില്‍നിന്ന് ഏറ്റുമാനൂരിലേക്ക് പോകാന്‍ എത്തിയ ഷോറൂം ജീവനക്കാര്‍ സഞ്ചരിച്ചിരുന്ന കാറും പാലായില്‍നിന്ന് പൊന്‍കുന്നം ഭാഗത്തേക്ക് പോവുകയായിരുന്ന നാഷണല്‍ പെര്‍മിറ്റ് ലോറിയുമായി നേര്‍ക്കുനേര്‍ കൂട്ടിയിടിക്കുകയായിരുന്നു. അപകടത്തില്‍ കാര്‍ പൂര്‍ണമായും തകര്‍ന്നു.
പ്രതികരിക്കാൻ ഇവിടെ എഴുതുക: