മേലാറ്റൂര്‍: മലയോര ഗ്രാമത്തിന്റെ ഭംഗിക്ക് തന്നെ നാണക്കേടാകുകയാണ് മേലാറ്റൂര്‍ പോലീസ് സ്റ്റേഷന് പരിസരത്തെ തൊണ്ടിവാഹനങ്ങളുടെ ശേഖരം. സ്റ്റേഷന്റെ മുറ്റത്തടക്കം കൂട്ടിയിട്ടിരിക്കുന്ന വാഹനങ്ങള്‍ക്ക് ചുറ്റും കാടുപിടിച്ച അവസ്ഥയിലാണ്. ടിപ്പര്‍ ലോറികള്‍, ബൈക്കുകള്‍ തുടങ്ങി നൂറുകണക്കിന് വാഹനങ്ങളാണ് പോലീസ് സ്റ്റേഷന് പരിസരത്ത് തുരുമ്പെടുത്ത് നശിക്കുന്നത്.
ഇങ്ങനെ കിടക്കുന്ന വാഹനങ്ങള്‍ ലേലം ചെയ്യാനോ ഇവിടെ നിന്ന് മാറ്റാനോ അധികൃതര്‍ തയ്യാറാകുന്നില്ല. കഴിഞ്ഞ വര്‍ഷം പോലീസ് സ്റ്റേഷന് പുതിയ കെട്ടിടം നിര്‍മ്മിക്കുന്നതിന് വേണ്ടി കുറെ വാഹനങ്ങള്‍ ജെസിബി ഉപയോഗിച്ച് സ്റ്റേഷന്റെ ഒരു ഭാഗത്തേക്ക് മാറ്റിയിരുന്നു. ഈ ഭാഗത്ത് വലിയ പൊന്തകാടുകളാണ് ഇപ്പോള്‍ രൂപപെട്ടിട്ടുള്ളത്. ഈ കാട് പിടിച്ചു കിടക്കുന്ന സ്ഥലത്ത് ഇഴജന്തുക്കളുടെയും മറ്റും താവളമായിമാറിയിരിക്കുന്നു. ടൗണിന്റെ ഹൃദയഭാഗത്തുള്ള സ്റ്റേഷന്റെ മുന്‍വശം ഇങ്ങനെ കാട് പിടിച്ചു കിടക്കുന്നത് കണ്ടില്ലെന്ന ഭാവത്തിലാണ് അധികൃതര്‍.
പ്രതികരിക്കാൻ ഇവിടെ എഴുതുക: