ഭോപ്പാല്‍: രോഗബാധിതനായി ആശുപത്രിയില്‍ തുടരുമ്പോഴും ഭരണ കാര്യങ്ങില്‍ ഉത്തരവാദിത്തത്തോടുകൂടി ശ്രദ്ധ ചെലുത്തി മധ്യപ്രദേശ് മുഖ്യമന്ത്രി ശിവരാജ് സിങ് ചൗഹാന്‍. ആശുപത്രി കിടക്കയില്‍ നിന്നും അദേഹം വെര്‍ച്വല്‍ മന്ത്രി സഭായോഗം നടത്തുന്ന ചിത്രം ഇപ്പോള്‍ വൈറല്‍ ആയിരിക്കുകയാണ്. രോഗബാധിതനായിരുന്നിട്ടും തന്റെ ഉത്തരവാദിത്തങ്ങള്‍ കൃത്യതയോടെ നിര്‍വഹിക്കുന്നതില്‍ അദേഹം വിട്ടുവീഴ്ച വരുത്തുന്നില്ല.
ജനങ്ങളുടെ ക്ഷേമത്തിനായി ഏതു സാഹചര്യത്തില്‍ പ്രവര്‍ത്തിക്കാനും താന്‍ പ്രതിജ്ഞാ ബദ്ധനാണെന്ന് അദേഹം പ്രതികരിച്ചു. ആശുപത്രിയില്‍ പ്രവേശിപ്പിച്ചതിനു ശേഷവും അദേഹം സംസ്ഥാനത്തെ സ്ഥിതിഗതികള്‍ നിരീക്ഷിച്ചിരുന്നു.
കൊറോണ ടെസ്റ്റ് ഫലം പോസിറ്റീവ് ആയതിനെ തുടര്‍ന്ന് മൂന്നു ദിവസം മുന്‍പാണ് അദേഹത്തിന്റെ ചികിത്സയ്‌ക്കായി ആശുപത്രിയില്‍ പ്രവേശിപ്പിച്ചത്. ചൗഹാന്‍ തന്നെയാണ് വിവരം ട്വിറ്ററിലൂടെ പുറത്തുവിട്ടത്.
പ്രതികരിക്കാൻ ഇവിടെ എഴുതുക: