കൊല്ലം: ആശ്രാമം മാമന്‍ഗാര്‍ഡനില്‍ ദിവസങ്ങളായി തുടരുന്ന സീരിയല്‍ ഷൂട്ടിംഗ് യുവമോര്‍ച്ച കൊല്ലം മണ്ഡലം പ്രസിഡന്റ് പ്രണവ് താമരക്കുളത്തിന്റെ നേതൃത്വത്തില്‍ നിര്ത്തിവയ്പ്പിച്ചു. കോവിഡ് നിയമങ്ങള്‍ പാലിക്കാതെ 25ലേറെ പേരെ ഉള്‍പ്പെടുത്തി ഷൂട്ടിംഗ് നടക്കുന്നതായി പ്രദേശവാസികളാണ് അറിയിച്ചത്.
യുവമോര്‍ച്ച പ്രവര്‍ത്തകര്‍ ഷൂട്ടിംഗ് സൈറ്റ് സന്ദര്‍ശിക്കുകയും ഷൂട്ടിംഗ് നിര്‍ത്തിവയ്‌ക്കണമെന്ന് ഡയറക്ടറോട് ആവശ്യപ്പെടുകയും ചെയ്തു. ഈ കോവിഡ് കാലത്ത് കണ്ടൈന്‍മെന്റ് സോണില്‍ നിന്നും ഉള്‍പ്പെടെ ഉള്ള ആര്‍ട്ടിസ്റ്റുകളും അണിയറ പ്രവര്‍ത്തകരും ആണ് ഈ ഒരു ഷൂട്ടിംഗ് സൈറ്റില്‍ ദിനംപ്രതി വന്നുപോകുന്നതെന്നും ചിത്രീകരണത്തിന് വരുന്നവര്‍ ഷൂട്ടിംഗ് സൈറ്റില്‍ തങ്ങാതെ ദിവസേന പോയിവരികയുമാണ് ചെയ്യുന്നതെന്നും ബോധ്യമായി.
ബിജെപി കൊല്ലം മണ്ഡലം ട്രഷറര്‍ കൃഷ്ണകുമാര്‍ ആശ്രാമം, ബിജെപി ആശ്രാമം ഏരിയ ജനറല്‍ സെക്രട്ടറി പ്രവീണ്‍ സെബാസ്റ്റ്യന്‍ പോള്‍, ബൂത്ത് പ്രസിഡന്റ് കണ്ണന്‍, പ്രേം ശങ്കര്‍, സജിത്ത് ശശിധരന്‍, രാജീവ് ആശ്രാമം എന്നിവര്‍ ഒപ്പമുണ്ടായിരുന്നു.
റെഡ് സോണായ തൃക്കരുവാ പഞ്ചായത്തിലെ കാഞ്ഞിരംകുഴിയില്‍ റോഡ് അടച്ച് നിരീക്ഷണം കര്‍ശനമാക്കുന്ന പോലീസ്
പ്രതികരിക്കാൻ ഇവിടെ എഴുതുക: