കേണിച്ചിറ: ശിവഗിരിമഠം ഗുരുധര്‍മ്മ പ്രചരണ സഭ വയനാട് ജില്ലാകമ്മിറ്റിയുടെ ആഭിമുഖ്യത്തില്‍ കേണിച്ചിറ ആസ്ഥാനമായി രൂപീകരിക്കപ്പെട്ട ഡവലപ്‌മെന്റ് ഫോര്‍ അഗ്രിക്കള്‍ച്ചറല്‍, ഇന്റഗ്രേറ്റഡ് ആന്റ് എഡ്യൂക്കേഷനല്‍ സസ്റ്റയനബിള്‍ സൊസൈറ്റി (ഡയസ്) ഓഫീസ് ഉദ്ഘാടനം ചെയ്തു.കേണിച്ചിറ പൂതാടി പഞ്ചായത്ത് ബസ്സ്റ്റാന്‍ഡ് ഷോപ്പിങ്ങ് കോപ്ലക്‌സില്‍ ശിവഗിരി മഠം ഡയറക്ടര്‍ ബോര്‍ഡ് അംഗവും,കുന്നുംപാറ ആശ്രമം സെക്രട്ടറിയുമായ ബോധി തീര്‍ത്ഥസ്വാമിയാണ് ഡയസ് ഓണ്‍ലൈനായി ഉദ്ഘാടനം ചെയ്തത്.
ജൈവ പച്ചക്കറികൃഷി പ്രോത്സാഹനം,പഴം സംസ്‌ക്കരണം,മൂല്ല്യവര്‍ദ്ധിത ഉല്പന്നനിര്‍മ്മാണം,പാലുല്‍പാദനം,മുട്ടക്കോഴി വളര്‍ത്തല്‍ തുടങ്ങിയ പദ്ധതികളാണ് പ്രാഥമികമായും സൊസൈറ്റി ലക്ഷ്യമിടുന്നത്.
യോഗത്തില്‍ സൊസൈറ്റി ചെയര്‍മാന്‍ സി.കെ. മാധവന്‍, അദ്ധ്യക്ഷത വഹിച്ചു. ജിഡിപിഎസ് ജില്ലാസെക്രട്ടറി കെ.ആര്‍. ഗോപി,വി.കെ.രാജന്‍, പി.ബിമോഹനന്‍, മണിനാരയാണന്‍ ആശംസാ പ്രസംഗം നടത്തി. സെക്രട്ടറി സി.കെ ദിവാകരന്‍, സ്വാഗതവും റെജി കൊണ്ടൂര്‍ നന്ദിയും പറഞ്ഞു.
പ്രതികരിക്കാൻ ഇവിടെ എഴുതുക: