കൊച്ചി: സാമൂഹ്യപ്രവര്‍ത്തകര്‍ക്ക് പ്രചോദനമാണ് കെ.ജി. വേണുഗോപാലിന്റെ ജീവിതമെന്ന് മിസോറം ഗവര്‍ണര്‍ പി. എസ് ശ്രീധരന്‍പിള്ള പറഞ്ഞു. സ്വന്തമായൊന്നും സമ്പാദിക്കാതെ സമൂഹത്തിന് സമര്‍പ്പിക്കുന്ന ആ ജീവിതശൈലി ഏറെ അനുകരണീയമാണെന്ന് കെ.ജി. വേണുഗോപാലിന്റെ സപ്തതി ആഘോഷം ഓണ്‍ലൈന്‍ വഴി ഉദ്ഘാടനം ചെയ്ത് അദ്ദേഹം അഭിപ്രായപ്പെട്ടു.
ഏറ്റെടുത്ത കാര്യങ്ങള്‍ വിജയം കാണുന്നവരെ പ്രവര്‍ത്തിക്കുന്ന സ്ഥിരോത്സാഹം അദ്ദേഹത്തിനുണ്ട്. അദ്ദേഹത്തിന്റെ പുസ്തക പരിചയപ്പെടുത്തലുകളാണ് വിദ്യാഭ്യാസകാലത്ത് തനിക്ക് വായനയ്‌ക്ക് പ്രേരകമായതെന്ന് ആര്‍എസ്എസ് പ്രാന്ത സഹകാര്യവാഹ് എം. രാധാകൃഷ്ണന്‍ പറഞ്ഞു.
അടിയന്തരാവസ്ഥക്കാലത്തും തുടര്‍ന്നും കെ.ജി നടത്തിയ പ്രവര്‍ത്തനങ്ങള്‍ ഏറെ ശ്രദ്ധേയമായിരുന്നുവെന്ന് ബിജെപി സംസ്ഥാന ഉപാധ്യക്ഷന്‍ എ.എന്‍. രാധാകൃഷ്ണന്‍ അഭിപ്രായപ്പെട്ടു. യോഗത്തില്‍ സി.എസ്. മുരളീധരന്‍, ടി. സതീശന്‍, പി. ശിവശങ്കര്‍ തുടങ്ങിയവര്‍ സംസാരിച്ചു.
ജന്മഭൂമി ഓണ്‍ലൈന്‍
പ്രതികരിക്കാൻ ഇവിടെ എഴുതുക: