കറാച്ചി: പരിശോധനയില്‍ കൊറോണ സ്ഥിരീകരിച്ച പത്ത് കളിക്കാരെ ഒഴിവാക്കി പാക്കിസ്ഥാന്‍ ക്രിക്കറ്റ് ടീം ഇന്ന് പരമ്പരയ്‌ക്കായി ഇംഗ്ലണ്ടിലേക്ക് പുറപ്പെടും. പാക് ക്രിക്കറ്റ് ബോര്‍ഡ അറിയിച്ചതാണിത്.
ഒഴിവാക്കപ്പെട്ട കളിക്കാരുടെ രോഗം ഭേദമായാല്‍ അവര്‍ക്ക്് പിന്നീട് ടീമിനൊപ്പം ചേരാനാകുമെന്ന് പാക് ബോര്‍ഡ് ചീഫ് എക്‌സിക്യൂട്ടീവ് വാസിം ഖാന്‍ പറഞ്ഞു. മൂന്ന്് ടെസ്റ്റുകളും മൂന്ന് ടി 20 മത്സരങ്ങളും അടങ്ങുന്നതാണ് പരമ്പരഇന്ന്് ഇംഗ്ലണ്ടിലെത്തുന്ന പാക്ക് ടീം പതിനാല് ദിവസം ക്വാറന്റൈനില്‍ പ്രവേശിക്കും. കൊറോണ വ്യാപനം തുടരുന്ന സാഹചര്യത്തില്‍ എല്ലാ മത്സരങ്ങളും കാണികളെ ഒഴിവാക്കി അടച്ചിട്ട സ്‌റ്റേഡിയത്തിലാണ് നടത്തുക.
മത്സരങ്ങളുടെ ഫിക്‌സ്ച്ചര്‍ പിന്നീട് പ്രഖ്യാപിക്കുമെന്ന് ഇംഗ്ലണ്ട് ആന്‍ഡ് വെയ്ല്‍സ് ക്രിക്കറ്റ് ബോര്‍ഡ് അറിയിച്ചു.
പ്രതികരിക്കാൻ ഇവിടെ എഴുതുക: