കൊച്ചി: പ്രവാസികളുടെ കൊറോണ പരിശോധന കൂടുതല്‍ വേഗത്തിലാക്കാന്‍ കൊച്ചി അന്താരാഷ്‌ട്ര വിമാനത്താവളത്തില്‍ 16 പരിശോധന കൗണ്ടറുകള്‍ ഏര്‍പ്പെടുത്താന്‍ തീരുമാനമായി. കളക്ടര്‍ എസ്. സുഹാസിന്റെ അധ്യക്ഷതയില്‍ വിമാനത്താവളത്തില്‍ ചേര്‍ന്ന അവലോകന യോഗത്തിലാണ് കൗണ്ടറുകളുടെ എണ്ണം കൂട്ടാന്‍ തീരുമാനമായത്. പരിശോധന നടത്താതെ എത്തുന്ന എല്ലാ പ്രവാസികളുടെയും ആന്റി ബോഡി പരിശോധന വിമാനത്താവളത്തില്‍ നടത്തും. പ്രവാസികള്‍ക്ക് കുറഞ്ഞ ചെലവില്‍ ഭക്ഷണം വിതരണം ചെയ്യാനായി വിമാനത്താവളത്തില്‍ കുടുംബശ്രീ കാന്റീന്‍ പ്രവര്‍ത്തനം ആരംഭിച്ചു. സബ് കളക്ടര്‍ സ്‌നേഹില്‍ കുമാര്‍ സിങ്, വിമാനത്താവളത്തിലെ ക്രമസമാധാന ചുമതലയുള്ള എസ്പി നവനീത് ശര്‍മ, ദേശീയ ആരോഗ്യ ദൗത്യം ജില്ലാ പ്രൊജക്ട് ഓഫീസര്‍ ഡോ. മാത്യൂസ് നുമ്പേലി, ഡോ. ഹനീഷ്, തുടങ്ങിയവര്‍ പങ്കെടുത്തു.
Sunday, November 24, 2024
വിമാനത്താവളത്തില്‍ പരിശോധനക്കായി കൂടുതല്‍ കൗണ്ടറുകള്‍
കളക്ടര്‍ എസ്. സുഹാസിന്റെ അധ്യക്ഷതയില്‍ വിമാനത്താവളത്തില്‍ ചേര്‍ന്ന അവലോകന യോഗത്തിലാണ് കൗണ്ടറുകളുടെ എണ്ണം കൂട്ടാന്‍ തീരുമാനമായത്.
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: