മുംബൈ : കൊറോണ വൈറസ് രോഗ മുക്തി നേടിയതില്‍ ആഘോഷ പ്രകടനമാക്കി കോണ്‍ഗ്രസ് നേതാവ്. കൊറോണ ചികിത്സ പൂര്‍ത്തിയാക്കി വീട്ടില്‍ തിരിച്ചെത്തിയ കോണ്‍ഗ്രസ്സ് നേതാവ് ചന്ദ്രകാന്ത് ഹന്ദോറിനെ സ്വാഗതം ചെയ്യാനായി പാര്‍ട്ടി പ്രവര്‍ത്തകര്‍ ഒത്തു കൂടുകയായിരുന്നു.
പടക്കം പൊട്ടിച്ചും ഡ്രംസ് വായിച്ചും കരഘോഷം മുഴക്കിയുമാണ് പ്രവര്‍ത്തകര്‍ ചന്ദ്രകാന്തിനെ സ്വീകരിച്ചത്. കോവിഡ് കൂടുതല്‍ രൂക്ഷമായി ബാധിച്ച സംസ്ഥാനങ്ങളില്‍ ഒന്നാണ് മഹാരാഷ്‌ട്ര. മുംബൈയിലെ പല സ്ഥങ്ങളും കണ്ടെയ്ന്‍മെന്റ് സോണുകളാണ്.
ലോക്ഡൗണ്‍ പിന്‍വലിക്കരുതെന്ന് കോണ്‍ഗ്രസ് നേദാവ് രാഹുല്‍ഗാന്ധി കഴിഞ്ഞ ദിവസം പ്രഖ്യാപനം നടത്തിയതിന് പിന്നാലെയാണ് സ്വന്തം പാര്‍ട്ടിയില്‍ നിന്നുള്ള നേതാവ് തന്നെ പരസ്യമായി നിര്‍ദ്ദേശങ്ങള്‍ ലംഘിക്കുന്നത്. ഇതുമായി ബന്ധപ്പെട്ട ആഘോഷങ്ങളുടെ ദൃശ്യങ്ങള്‍ സാമൂഹിക മാധ്യമങ്ങളില്‍ പ്രചരിക്കാന്‍ തുടങ്ങിയതോടെ ഹന്ദോറിനെതിരെ രൂക്ഷ വിമര്‍ശനങ്ങളാണ് ഉയര്‍ന്നിരിക്കുന്നത്. സംസ്ഥാനത്തെ ഭരണ കക്ഷിക്കുള്ളില്‍ നിന്ന് തന്നെ ലോക്ഡൗണ്‍ ലംഘനം ഉണ്ടായത് സര്‍ക്കാരിനെ പ്രതിരോധത്തിലാക്കിയിട്ടുണ്ട്.
പ്രതികരിക്കാൻ ഇവിടെ എഴുതുക: