ബിജെപി മുൻ കണ്ണൂർ ജില്ലാ പ്രസിഡന്റ് എം.കെ ശശീന്ദ്രൻ മാസ്റ്റർ അന്തരിച്ചു

കണ്ണൂർ: ബിജെപി സംസ്ഥാന സമിതി അംഗവും മുൻ ജില്ലാ പ്രസിഡന്റുമായ വാരം അരവിന്ദത്തിൽ എം.കെ. ശശീന്ദ്രൻ മാസ്റ്റർ (69) അന്തരിച്ചു.  വാരം യുപി സ്കൂൾ റിട്ടേർഡ് പ്രഥമാധ്യാപകനാണ് . ഭാര്യ : എൽ. രാധാമണി. മക്കൾ: ആസാദ് ശശീന്ദ്രൻ ,അരവിന്ദ് ശശീന്ദ്രൻ (ഇരുവരും ഗൾഫ്). മരുമക്കൾ: വന്ദന, അശ്വതി.  

പരേതനായ സി.പി.ഗോവിന്ദൻ നമ്പ്യാർ- ശ്രീദേവി അമ്മ ദമ്പതികളുടെ മകനാണ് ശശീന്ദ്രൻ മാസ്റ്റർ. രണ്ടു തവണ ബിജെപി ജില്ലാ അധ്യക്ഷനായും ജില്ല ജനറൽ സെക്രട്ടറി, സെക്രട്ടറി എന്നീ ചുമതലകൾ വഹിച്ചിട്ടുണ്ട്.