സഹനമന്ത്രം

ദൈവത്തിന്റെ സ്വന്തം നാട്ടില്‍

ഇന്ന് മരണത്തിന്റെ

മണി മുഴക്കം.

നമ്മള്‍ നമ്മേ ഭയപ്പെടുന്നു.

നമ്മള്‍ വീടുകളില്‍ തടവിലാണ്

പക്ഷേ, നമുക്കത് മനസ്സിലായില്ല.

ഇപ്പോഴും ആകാശത്തവര്‍

സ്വതന്ത്രരാണ്, നമ്മുടെ  

സ്വന്തം പ്രവൃത്തികളിലൂടെ

വ്യാപിക്കുന്ന വിപത്താണിത്.

ഈ സമയവും കടന്നുപോകും.

പ്രകൃതിയുടെ ക്രോധമാണിത്

പക്ഷേ, അതിജീവിച്ചേ  

മതിയാവൂ മര്‍ത്യന്

ഒരു മഴയും

തോരാതിരുന്നിട്ടില്ല.

അതിജീവനത്തിന്റെ

സഹനമന്ത്രം ഉരുവിടാം

നമുക്കുണരാം  

ഈ നാടിനായ്.