പത്തനംതിട്ട: ആര്‍എസ്എസ് പ്രവര്‍ത്തകരെ കൊലപ്പെടുത്താന്‍ ശ്രമിച്ച കേസില്‍ സിപിഎം പ്രവര്‍ത്തകന്‍ അറസ്റ്റില്‍. ഇരണൂരില്‍ ആര്‍എസ്എസ് പ്രവര്‍ത്തകരെ വധിക്കാന്‍ ശ്രമം നടത്തിയതിനാണ് അറസ്റ്റ്. സദാനന്ദപുരം നിരപ്പുവിള വീട്ടില്‍ കലേഷ് ആണ് പിടിയിലായത്.
ആര്‍എസ്എസ് ശാഖ നടത്തുന്നതിലുള്ള വിരോധം നിമിത്തം ഇരണൂര്‍ നിരപ്പുവിള യമുന മന്ദിരത്തില്‍ സുബിന്‍ദേവ്, സുഹൃത്ത് സൂരജ് എന്നിവരെ കൊലപ്പെടുത്താന്‍ ശ്രമിച്ചെന്നായിരുന്നു കേസ്. പ്രതി സിപിഎം പ്രവര്‍ത്തകനാണെന്ന് പോലീസ് പറഞ്ഞു. സംഭവത്തിന് ശേഷം ഇയാള്‍ ഒളിവില്‍ പോവുകയായിരുന്നു.
കേസിലെ മറ്റുപ്രതികളെല്ലാം നേരത്തേ അറസ്റ്റിലായിരുന്നു. ഇയാള്‍ക്ക് വേണ്ടി പോലീസ് തെരച്ചില്‍ നടത്തി വരികയായിരുന്നു. കലേഷ് വേറേയും കൊലപാതക കേസുകളില്‍ പ്രതിയാണ്. കൊട്ടാരക്കര എസ്‌ഐ രാജീവ്, എഎസ്‌ഐമാരായ അനില്‍ കുമാര്‍, ഓമനക്കുട്ടന്‍, സിപിഒമാരായ രതീഷ്, മഹേന്ദ്രന്‍ എന്നിവരടങ്ങിയ സംഘമാണ് പ്രതിയെ പിടികൂടിയത്.
പ്രതികരിക്കാൻ ഇവിടെ എഴുതുക: